Miljøverndepartementet lyser årleg ut ei rekkje tilskotsordningar retta mot lag og organisasjonar, grunneigarar, privatpersonar m.fl.. Dei viktigaste ordningane for 2012 er:

• Tilskot til fiskeformål
• Tilskot til viltformål
• Tilskot til friluftslivstiltak
• Tilskot til tiltak for prioriterte artar
• Tilskot til tiltak for utvalde naturtypar
• Tilskot til førebyggjande/ konfliktdempande tiltak i rovviltforvaltninga

Breheimen nasjonalparkstyre har lyst ut midlar som verneområdet fekk i samband med opninga i 2009. Nasjonalparkstyret har no bestemt å lyse ut desse midla som skal gå til bærekraftig tilretteleggjing, slik at delar av verneområda blir meir tilgjengelege for brukarane. Opparbeiding av stigar og løyper, klopping (bru) og merking tiltak for å betre tilgjenge til verneområda, etablering av parkeringsplassar og informasjonsordningar skal medverke til å sikre viktige kvalitetar ved at stor ferdsel og aktivitet blir kanalisert til bestemte område. Naturen blir lettare tilgjengeleg for brukarane, og dermed blir grunnlaget for lønnsame reiselivsaktivitetar betre.

Statssekretær Heidi Sørensen frå Miljøverndepartementet var tydeleg imponert over alle dei konkrete resultata Lom har fått ut av satsinga på nasjonalparklandsbyen. Dette kom fram sist sundag då leiar i landsbyrådet og varaordførar Mai Bakken tok ho med på ei sentrumsvandring.

Statssekretær Sørensen fekk med seg Mai Bakken som lokalkjent guide på sentrumsvandring i Fossbergom.

Nå kan du sjå ferske funn av kulturminne frå ein 1000 år gamal leirplass i Breheimen. Over 70 funn er samla inn av arkeologar i området ved Lomseggen. Gjenstandane vert tilgjengeleg for publikum ei stutt periode før dei blir frakta vidare til Kulturhistorisk museum i Oslo.

Les meir om dette på nettstaden til Norsk Fjellmuseum.

Norges geologiske undersøkelser (NGU) vil i juli/august utføre målingar frå helikopter i låg høgde over Jotunheimen. Formålet med målingane er å kartleggje Cesiuminnhaldet på bakken etter Tsjernobylulykka. Dette fører framleis til høgare radioaktivitet i rein- og sauekjøtt.

Ved å finne ut korleis nedfallet fordeler seg, er tanken at dyra kan styrast unna dei mest utsette områda i tida før slakting. Erfaring frå Nord-Trøndelag tilseier at nedfallet kan liggje lokalt. Fleire av kartleggingslinjene kryssar område i Lom. Det er gjeve dispensasjon for lågtflyging over Smådalsvatni naturreservat.

Sjå vedlagde pressemelding frå NGU med kartskisse (pdf-fil, 136KB).

Lom kommune har mottatt melding frå NVE om at deira handsaming av søknaden frå Eidefoss AS om utbygging av Smådøla kraftverk nå er ferdigstilt. NVE tilrår Olje og Energidepartementet å imøtekoma søknaden, og det blir opp til dei å ta endeleg standpunkt i saka. Som kjent har eit samrøystes kommunestyre i Lom gått inn for denne utbygginga.

Meir informasjon på nettstaden til NVE.

Etter initiativ frå turistverksemder på Bergom har kommunen vore i dialog med Opplysningsvesenets fond / Norskog om tynning av skogen mellom Lomskyrkja og Bøvre, slik at kyrkja blir meir synleg frå sentrum. Hogsten er godkjent av Riksantikvaren, og blir utført av Lom Bygdaservice på oppdrag frå Norskog. Av brannvernomsyn blir det også hogge nokre tre inntil kyrkjegardsbygget på baksida av kyrkja. Arbeidet blir gjennomført i mai.

 Framlegg om forskriftsendring/ endring av planføresegn til kommunedelplan - høgding av grense for maksimal størrelse på båtmotor i Lom frå 7 hk til 10 hk. Lom formannskap har i sak 104/2010 lagt fram forslag om endring i kommunale føresegner om bruk av båtmotor på vatn og vassdrag. Endringa gjeld høgding av grense for maksimal motorstørrelse frå 7 hk til 10 hk på vatn og vassdrag over 2 km2 utanfor område verna etter naturmangfaldlova.

Lenke til heile høyringsdokumentet.

Formålet med miljøprisen er å stimulere til iverksetjing av miljøtiltak i kommunen. Prisen blir gjeven for aktivt miljøvernarbeid over lengre tid, eller for særleg fortenestefull einskildtiltak som kjem naturmiljøet i Lom til gode.
Miljøprisen skal tildelast enkeltpersonar, bedrifter, lag eller institusjonar i kommunen som har lagt ned ein stor innsats på miljøvernsektoren.
Forslag på kandidat til Lom kommune, Midtgard, 2686 Lom, innan 19.11.2010.

I grenseområdet mellom Lom og Vågå er det observasjonar som tyder på at det er bjørn i området.

Fylkesmannen har eiga side om forvaltning av rovvilt og der finn du og informasjon om kontaktpersonar.