Borgarstyrt personleg assistanse (BPA)

Meir informasjon

Borgarstyrt personleg assistanse byggjer på prinsippet om brukarstyring.
Den primære målgruppa er brukarar med samansette og omfattande hjelpebehov som er i stand til å ta arbeidsleiarrolla, og som har eigeninnsikt og ressursar til eit aktivt liv i og utanfor bustaden. Brukaren har arbeidsleiarrolla sjølv, og tek på seg ansvar for organisering og innhald i BPA.
Ein må velja organisasjonsmodell i kvart enkelt tilfelle. Det skal leggjast vekt på kva brukaren ønskjer. Ein kan velja mellom:
a) Å vera arbeidsleiar og arbeidsgjevar sjølv
b) Å vera arbeidsleiar og kommunen er arbeidsgjevar
c) Å vera arbeidsleiar og eit andelslag er arbeidsgjevar

Det er meint at brukarstyrt personleg assistanse skal gje fleksibilitet og færre tilsette å forhalde seg til. Ein vektlegg moglegheitene for å leva eit aktivt liv i samver med andre.
Det skal leggjast stor vekt på kven brukaren meiner vil vera den beste hjelparen, og den personlege assistenten kan ut frå dette vera ufaglært.
Arbeidsleiarrolla kan i særlege tilfelle takast i vare av verje, hjelpeverje eller ein person som har fullmakt frå brukaren sjølv.
Borgarrstyrt personleg assistanse erstattar vanlegvis andre tenestetypar etter sosialtenestelova §4-2, som f.eks støttekontakt, praktisk hjelp og/eller avlasting.
Helsehjelp inngår ikkje i borgarstyrt personleg assitanse, med det kan i spesielle høve gjevast opplæring.
Pårørande og andre nærståande som yter omsorg, kan ikkje tilsettast som personlege assistentar.