Byggesak

Tenesta omfattar behandling av søknader m.v. etter plan- og bygningslova (Pbl). Tiltaka kan delast i 3 kategoriar:

1. Tiltak som krev søknad og løyve.

Gjeld tiltak som er omfatta av Pbl kapittel 20 § 20-1. For tiltak etter § 20-1 fyrste leden punkta a) - l) er kravet at søknad, prosjektering, utføring og kontroll skal utførast av føretak med ansvarsrett i samsvar med bestemmelsar i lovas kapittel 22 og 23 dersom ikkje anna går fram av §§ 20-2 og 20-3.

Frå 01.12.2012 gjeld følgjande søknadsplikt for våtrom:

  • Bygging av våtrom i nybygg og nytt tilbygg over 50 kvadratmeter.
  • For eigen bustad eller fritidseigedom gjeld sjølvbyggjarbestemmelsane.

2. Tiltak som krev søknad og løyve - som kan utførast av tiltakshavar

Gjeld tiltak som er omfatta av Pbl kapittel 20 § 20-2 - t.d. mindre tiltak på bebygd eigedom, vanlege driftsbygningar i landbruket, bygg, konstruksjonar eller anlegg med mellombels plassering for eit tidsrom av inntil 2 år og andre mindre tiltak som etter kommuna sitt skjøn kan utførast av tiltakshavar.

3. Tiltak som ikkje krev søknad og løyve.

Gjeld følgjande tiltak etter Pbl § 20-1 dersom dei er i samsvar med plan:

Mindre frittliggjande bygningar på bebygd eigedom som ikkje skal brukast til bustadføremål,

  • mindre frittliggjande byggverk knyta til jordbruks-, skogbruks- og reindriftsområde,
  • mindre tiltak på eksisterande byggverk,
  • mindre tiltak utandørs,
  • mindre fasadeendringar og tiltak som kommuna finn kan fritakast for søknadsplikt.

Søknad om løyve er heller ikkje naudsynt for tiltak etter § 20-1 fyrste leden bokstav j) når tiltaket ikkje skal stå i lengre tid enn 2 månader.

Frå 01.01.2012 er følgjande våtsromarbeid ikkje søknadspliktige:

  • Fullstendig ombygging av våtrom i eksisterande bygg innanfor ei brukseining.
  • Bygging av nytt våtrom i eksisterande bygg innanfor ei brukesining.
  • Bygging av våtrom i nytt tilbygg over 50 kvadratmeter der tilbygget ikkje skal brukast som sjølvstendig brukseining.
  • Ombygging og nybygging av fleire våtrom i fleire brukseiningar (t.d blokker) så lenge arbeida ikkje berører skilje mellom brukseiningane (at brannskilje ikkje blir brote).
  • Våtrom i vanlege driftsbygningar i landbruket.
  • Målgruppe for tenesta

    • Husbyggjarar, næringsdrivande, alle som skal utføre tilbygg, ombygging eller gravearbeid som kjem inn under plan- og bygningslova
  • Slik får du tenesta

    • Søknad sendast på fastsett skjema saman med nødvendig dokumentasjon.
  • Søknadsfrist

    • Fortløpande sakshandsaming.
  • Skjema og dokument

    • Skjema og opplysningar får du ved å kontakte kommunen, eller du kan hente ut skjema frå sjølvbeteningsboksen i høgre side.
  • Pris

    • Betalingsregulativ etter plan- og bygningslova. Nokre døme:
    • Oppføring av bustad og fritidshus: kr. 11.462,-.
    • Oppføring av andre bygningar 0 - 70 kvadratmeter: 5.769,-.
    • Oppføring av andre bygningar 71 - 100 kvadratmeter: 8.867,-.
    • Over 100 kvadratmeter kr 1.125,- for kvar påbyrja 100 kvadratmeter.
    • Sjå fullstendig gebyrregulativ i botnen av denne artikkelen.
  • Kontakt

    • Teknisk kontor Midtgard ved Leif Morten Plassen
  • Kontakt e-post

  • Kontakt telefon

    • 468 21 863
  • Lovgrunnlag

    • Plan- og bygningslova med forskrifter.

  • Rett til å klage

    • Du kan klage på vedtak innan tre veker frå mottak av vedtaket.
    • Klagen sender du til kommunen. I klagen skal det opplysast kva du ynskjer endra i vedtaket og grunngje dette.
    • Kommunen kan gje nærare orientering om dette.
    • Klageinstans er Fylkesmannen. Før klagen blir sendt dit skal kommunen vurdere om det er grunn til å endre vedtaket.
    • Blir vedtaket oppretthalde blir saka sendt Fylkesmannen til avgjerd.