Ungdommens kulturmønstring (UKM) er ei årleg mønstring for alle slag kulturuttrykk for ungdom. Andre helga i februar er det regionmønstring i kulturhuset på Otta. Fylkesmønstringa vil dei tri komande åra også gå føre seg på Otta. I år er fylkesmønstringa lagt til 20.-22.april.

Kom med dine forslag!

Kulturprisen blir gjeven for aktivt, friviljug og uløna kulturarbeid over lengre tid, eller for særleg fortenestefulle einskildtiltak som kjem kulturlivet i Lom kommune til gode.
Det er høve til å føreslå kandidatar til kulturprisen.

Kulturstipendet blir gjeve for å hjelpe fram ungdom med særskilde evner/interesser på område innafor det utvida kulturomgrepet. Det er høve til å søkje på kulturstipendet, og det er høve til å føreslå kanditatar til stipendet.

Forslag til kulturprisen eller forslag/søknad til kulturstipendet kan sendast post@lom.kommune.no eller Lom kommune, 2686 Lom innan 20.september 2011.
Utdeling av pris og eventuelt stipend blir på Haustkveld under Lomseggen fredag 28.oktober d.å.

Sjur Slettom vart norsk meister på 5 km for gutar 15 år under hovudlandsrennet som vart arrangert i Granåsen i dag. Han stakk av med sigeren 3,8 sekund framfor Henrik Grundetjern frå Vindbjart IL.

Gratulasjonstelegram frå ordførar og administrasjonssjef er sendt.

Vinterfestivalen Bøverbrus har skapt liv og røre i Bøverdalen ei helg i året sidan 2008. Festivalen har hatt hovudfokus på vinteraktivitetar men også hatt årlege kunst- og kulturinnslag.
Festivalkomiteen har stort sett vore samansett av dei same folka alle tre åra. Komiteen har på mange måtar og ved mange høve freista å rekruttere nye medlemmer til festivalkomiteen og friviljuge til festivalen, utan særleg hell. Det har diverre vist seg å være vanskeleg å rekruttere folk til festivalkomiteen.

Vi oppmodar innbyggjarar og lag/organisasjonar til å nominere kandidatar til Friviljugprisen 2010 innan 15. februar 2011. Ei nemnd på tri medlemer kårar ein vinnar av friviljugprisen blant dei nominerte kandidatane. Medlemene i nemnda representerar Lom Idrettsråd, Lom Musikk-/kulturråd og Lom Friviljugsentral. Prisen blir delt ut på lagsfesten.

Ungdommens kulturmønstring (UKM) er for deg mellom 10(13) og 20 år.
Dette er ein plass å opptre med song, musikk, dans, foto, film, litteratur, teater eller du kan stille ut noko du har laga. Kanskje blir du plukka ut til å vera med på fylkesmønstringa?

Lom kommune skal arbeide for å sikre eit variert kulturtilbod.
Vi skal ta vare på det kulturelle særpreget, men samstundes vera opne for kulturytringar og impulsar frå andre.