Haustkveld under Lomseggen vart avvikla fredag 30.okt. Eit fullsett samfunnshus fekk med seg mykje variert kultur, blautkake, boklansering og heile tre vinnarar.
Stinn brakke
Rundt 300 hadde funne vegen til Lom samfunnshus og eit langt og rikhaldig kulturprogram. Ungar og velvaksne, musikk, song og utstilling, verbale innslag og boklansering. Det var ikkje lite dei mange frammøtte fekk med seg. Dei heldt ut til seine kveld utan å klaga.
 |
| Lomsambassadør Arvid Møller |
Lomsbok frå ambassadør Møller
Livet på Bergom vart lansert på haustkvelden. Forfattar Arvid Møller fortalde om utgjevinga og signerte bøker. Møller røpa at han har eit spesielt forhold til Lom, og at denne boka er den tiande han skriv frå Lom. Ordførar Simen Bjørgen utnemnde Arvid Møller til Lomsambassadør. Utgjevarane Fossberg, Nordal og Fossheim stod for blautkake og kaffi til festlyden, noko dei tydeleg sette pris på.
 |
| Kulturstipendvinnar Hanne S. Kolden, ordførar Simen Bjørgen og kulturprisvinnar Aase Marstein |
Kulturpris og kulturstipend
Det var to liajenter som vart vinnarar av kulturprisen og -stipendet i år. Songtalentet Hanne Sanden Kolden fekk kulturstipendet. Aase Marstein fekk kulturprisen for arbeidet med å byggje opp og drive kunstnarheimen Haukdalen med alt det ho har gjort ut av det, m.a. med utgongspunkt i målaren og 150-årsjubilanten Gustav Wentzel.
Tips ein ven
Skriv ut