Landbruk

Landbruket i Lom

Jord- og skogbruk er ei basisnæring som representerer ca 25 % av sysselsettinga i Lom, dersom ein tek med dei som har jordbruket som biinntekt. Landbruket i Lom har ei årleg omsetning på ca. 90 millionar kroner. Av dette er ca. 25 millionar statleg produksjonsstøtte.
I tillegg er det ulike tilskotsordningar ein kan søkje om til prosjekt. Bygdeutviklingsmidlane (BU) er i så måte den viktigaste ordninga for å utløyse aktivitet innan landbruket.
Landbruket gir store ringverknader i form av kjøp av varer og tenester. I tillegg produserer landbruket miljøgode for samfunnet ved å halde i hevd kulturlandskapet, oppretthalde busetting og formidle kultur og historie. I så måte er eit aktivt landbruk spesielt viktig for reiselivsnæringa i Lom. Dersom ein tek med dei sist nemnde verdiane knytte til gardsbruket, ville talet for årleg bruttoomsetning blitt større.