NasjonalparkSKriket tek av
55 på øving i Team Lom sist onsdag!
Folkehelseprosjektet NasjonalparkSKriket tek heilt av i Lom. No er rundt 60 med på prosjektet, eit tal som er godt over dei mest optimistiske spådommane på førehand. Det er framleis høve til å melde seg på. Alle som er 13 år eller eldre kan stille på Lom ungdomsskule onsdagar kl. 19.30-21.
I går møtte 55 blide jenter og gutar, kvinner og menn til korøving i Team Lom. Folkehelseprosjektet er regionalt der alle dei seks norddalskommunane etablerer kvart sitt prosjektkor i desse dagar og øver inn tri korsongar. Dei seks kora møtest til dyst i eit stort finalearrangement laurdag 19.mai i Vågåhallen. Også i dei andre kommunane er det meldt om svært god oppslutnad om tiltaket. Her blir det hard kniving om å vera det største og beste koret i regionen. Vinnarkoret vinn 40000kr som skal gå til folkehelsetiltak i eigen kommune. Vi held ein knapp på Team Lom!