Kva har skjedd så langt?

Prosjektet starta opp med eit forprosjekt, og var inne i ei prosjektfase i 2010-2014. Etter 2014 har Lom nasjonalparklandsby vore inne i ei driftfase. 
Under "tiltaksplanar" kan du få ei full oversikt over det som har skjedd så langt, men her er nokre smakebitar:

Tilretteleggings- og informasjonstiltak: 

• Friområde med benkar, bord og turstig ved Utleggsbrua
• Tilrettelegging for fiske i Skim, i samarbeid med Skim grunneigarlag
• Oppsett av leikehuset «Labyrinten» ved Kyrkjevollen
• Tilrettelagte og merka turstigar lett tilgjengeleg frå Lom sentrum til lokalbefolkning og tilreisande i saman med "primus motor" Egil Olav Nyrnes. Utvikling og oppgradering kvart år.   
• Tilrettelegging for badeplass ved Utleggsbrua 
• Tilsett landsbyvakt kvart år frå mai-september for å halde vedlike stignettet, blomar i sentrum m.m.
• Utgitt Nasjonalparkmagasin i samarbeid med Fjuken
• Bokpakke om nasjonalparkane og roll-ups til omkring 20 bedrifter i samarbeid med Lom folkebibliotek
• Opptrykk og distribusjon av kartet «fotturar i Lom» kvart år, til gratis distribusjon på norsk, engelsk og tysk. Rundt 10 000 brosjyrar kvart år!
• Tre store og fem små informasjonstavler rundt om i sentrum knytt til Bergomsrunda og turstignettet (Norsk Fjellmuseum, Vassvaglen og Lomseggen AS).
• "Kom til Lom" t-skjorter til tilsette i kommunen og i servicenæringa
• Digitalisering av fotturrutar til ut.no
• Profilering av Lom på rasteplass langs Tindevegen
• Kulturstigen opp til Skutlan / Soleggen, no kalla "Setervegen til fjells", vart fornya i 2018
• Instagramprofil "Lom_nasjonalparklandsby" vart oppretta i 2019

Arrangement, vertskap- og kompetansetiltak m.m:

• Innkjøp av landsbysyklar i samarbeid med Norsk Fjellmuseum
• Oppsett av zip-line over Prestfossen i samarbeid med Aktiv i Lom
• Vertskapskurs for ca. 40 tilsette frå servicenæringa, i samarbeid med fleire
• Visningstur for servicenæringa
• Utvikling av naturstigen «Rådyrtrakket» i Presthaugen, med dyr og brosjyrar
• Landsbydag for å feire den internasjonale nasjonalparkdagen 24. mai
• Medarrangør på julemarknad, handelshelg etc.
• Landsbytrim m/post
• Arrangert Innovasjon Norge kurset "Bli en bærekraftig bedrift"
• Arrangert Innovasjon Norge kurset "Opplevelsesdesign"
• Arrangert to BKA-kurs med støtte frå VOX
• Arrangert kurs i digital marknadsføring
• Arrangert mini-kurs i videoredigering
• Arrangert bli-kjent-tur for sumartilsette

Implementering av den nye merkevara "Norges nasjonalparker":

I 2016-2017 skal heile nasjonalparklandsbyen få ny profil som ein del av den nye merkevarestrategien til Miljødirektoratet.
Dette inneber m.a.:

• Utbytting og revidering av åtte infomasjonstavlar i sentrum

• Tre ny vegskilt i innfallsårene til sentrum
• Reviderte fotturkart
• Nytt skilt på kommunehuset
• Ny video og nye bilete frå nasjonalparklandsbyen i tråd med ny profil

Den nye merkevarestrategien kan du sjå her: http://designmanual.norgesnasjonalparker.no

Ynskjer du å vite meir om Lom nasjonalparklandsby?

Lom har med jamne mellomrom besøk frå kommunar og andre som er interesserte i å vite meir om Lom nasjonalparklandsby og arbeidet som er gjort så langt.

​Det er alltid triveleg og lærerikt å få besøk, så ta gjerne kontakt med landsbykoordinator og næringssjef Åshild M. Amundsen dersom du vil ta deg ein tur til Lom!