Pleie og omsorg

Lom helseheim

Lom helseheim har 41 plassar som er fordelt på 32 sjukeheimsplassar og 9 plassar på skjerma avdeling. Helseheimen er nyrenovert, og siste byggjesteg var ferdig i november 2005. Alle som har langtidsplass bur nå på einerom.
Her finn du søknadsskjema.

Lom helseheim er oppteken av å gje eit tilbod til flest mogleg. Vi prøver til kvar tid å kunne tilby avlasting, rehabilitering og opptrening, korttidsplasser samt rulleringsplassar.

Helseheimen tilbyr sjukepleie, legetilsyn, tannlegetilsyn, og har tverrfagleg samarbeid med fysioterapeut, ergoterapeut og psykiatritenesten. Pasientar har og tilbod om frisør og fotpleie (betalingstenester).

Helseheimen har tilsatt aktivitør på fulltid. Første tysdag i månaden er det hyggekveld for pasientar og pårørande. På onsdagar er det åpent for heimebuande pensjonistar og pasientane som bur på institusjon i storstugu, med ulike aktivitetar som bingo, andakt og underhaldning. I sommarhalvåret blir det og arrangert turar for pasientane kvar torsdag.

Ein gong i veka (måndag) kjem personar frå Friviljugsentralen og tilbyr handleteneste til dei som vil.

I tilknyting til den skjerma avdelinga vart det sommaren 2005 laga ein sansehage, med fine blomar og springvatn.

Lom helseheim har eige vaskeri for privatklær. Helseheimen leiger ut lokale til Nord Gudbrandsdal Ambulanse AS. Vi er og så heldige at Lom Knipsarlag har permanent utstilling av bilder i første etasje.

Tenesteleiar er Reidun Øvre Øygard, telefon 61 21 72 29.