Serviceerklæring for grunnskulen i Lom

Dette kan du vente av oss

• Vi legg til rette for eit godt læringsmiljø slik at eleven i høgast mogleg grad når måla i læreplanen.
• Vi legg til rette for at eleven skal trivast og kjenne seg trygg på skulen.
• Vi har nulltoleranse for mobbing og har rutinar for å følgje opp mobbesituasjonar.
• Vi har ordensreglement med tydelege reglar og konsekvensar ved brot på reglane.
• Vi stiller krav og har positive forventningar til eleven etter alder og modning.
• Vi er gode førebilde og tydelege vaksne.
• Alle føresette skal få tilbod om minimum to foreldresamtalar med kontaktlærar om eleven si faglege, sosiale og personlege utvikling kvart skuleår.
• Det blir halde minimum to foreldremøte kvart skuleår. Desse skal planleggast og gjennomførast saman med klassekontakt og i tråd med retningsliner for foreldresamarbeid ved skulen.
• Føresette til barn som skal ta til i fyrste klasse blir invitert til informasjonsmøte i god tid før skulestart.
• Føresette kan finne informasjon om skulen på heimesida (Lenke til pedIT)
• Elevane får kvar veke arbeidsplanar/vekeplanar.
• Skriftlege søknader o.l. skal svarast på innan tre veker.