Støttekontakt

Støttekontakt er ei teneste som skal gje personar med særlege behov for hjelp ei meiningsfull fritid, sosialt samvær og vennskapleg rådgjeving og hjelp. Avhengig av brukaren sine behov, ynskje og interesser kan støttekontakten nyttast til individuelt samvær eller som ein brubyggjar til fritidsaktivitetar eller andre menneske.

Støttekontaktordninga omfattar hjelp og følgje til kulturarrangement, besøk, og andre sosiale aktivitetar.

Meir informasjon

Det blir laga ei skriftleg oppdragsavtale med støttekontakten. I oppdragsavtala vil det framgå nærare opplysningar om løn, hovudoppgåver, retningsliner og andre gjensidige forpliktingar, samt opplysning om teieplikt.
Alle støttekontaktar må skrive under teieplikt. Der det er presisert at teieplikta og gjeld etter at støttekontaktperioden er avslutta.
Støttekontaktene får opplæring og oppfølging av vernepleiar 1.
Tenesta nyttar elektronisk pasientjournal.
Skulle det vera trong for å ta unna særskilde opplysningar, må skriftleg reservasjon ligge føre.
Praktiske gjeremål og transport er ikkje oppgåve til støttekontakten.

  • Målgruppe for tenesta

    • Støttekontakt vert tildelt personar og familiar som har behov for dette pga funksjonshemming, alder eller sosiale problem. Den som treng personleg hjelp for ikkje å isolere seg, eller til å leva eit sosialt aktivt liv, kan og søkje om å få støttekontakt.

  • Slik får du tenesta

    • Ein får eige søknadsskjema ved å kontakte pleie og omsorg.
    • Støttekontakt blir tildelt etter kartlegging av funksjonsnivå og hjelpebehov. Under kartlegginga blir det utført IPLOS-registrering (individbasert pleie- og omsorgsstatistikk), som er lovpålagt.
    • Råd, rettleiing og hjelp til å fylle ut søknaden får du av oss.

  • Pris

    • Tenesta er gratis.
    • Brukar som nyttar tilbodet utover vedtak/reisegodtgjersle som er tildelt, må sjølv dekke desse utgiftene.

  • Kontakt

    • Pleie og omsorg på telefon 61 21 72 25.
    • Vernepleiear 1 Ann-Mette Hoft, telefon 47 45 32 41.

  • Kontakt e-post

  • Lovgrunnlag

    • Tenesta er lovpålagt etter Lov om sosiale tenester § 4-2 bokstav c.
    • Forvaltningsloven
    • Lov om pasientrettigheitar

  • Rett til å klage

    • Dersom ein vil klage på vedtak, er klagefristen tre veker frå vedtaket er motteke. Klage skal sendast til Heimebasert omsorg, som vil kome med ny saksutgreiing. Endeleg klageinstans er Fylkesmannen.
Tip a friendTips ein ven
2011-09-09 Knut Arne Olstad

Pleie og omsorg

Lom helseheim
2686 Lom
Sentralbord: 61 21 73 00
Telefax: 61 21 72 26

post@lom.kommune.no

GPS-koordinatar:
61.83763167990419,
8.556536436080933

Eksterne