Ledig midlertidig stilling som lærar ved Loar barneskule

I stillinga vil du samarbeide med andre lærarar for å kartleggje, planleggje og gjennomføre undervisning etter mål i læreplanen i grunnleggjande norsk. Det kan vere aktuelt med kontaktlærarfunksjon. 

Lom kommune er ein attraktiv plass å bu i for alle som er glade i friluftsliv. Dei fleste av landet sine 2000 metertoppar ligg i Lom, og meir enn halvparten av Jotunheimen nasjonalpark ligg i kommunen. Eit kompakt sentrum med mange serveringstilbod, deriblant det landskjente Bakeriet i Lom, skapar eit spennande landsbypreg. Om sommaren kryr det av turistar i sentrum.

Skulane i Lom er aktive i skuleutvikling. Vi prioriterar høgt uteskule og andre former og aktiv læring. Alle elevar og tilsette har 1:1 læringsbrett, og det er gode digitale løysingar i klasseromma. Skulen har gode resultat både når det gjeld trivsel og læringsutbytte. Foreldresamarbeid er også eit viktig område.

Loar skule har 157 elevar. I tillegg til rektor er det inspektør og kontorfullmektig i deltidsstillingar. Det er i underkant av 30 tilsette ved skulen. Kommunen har ein barneskule og ein ungdomsskule som samarbeider tett for heilskap og samanheng i opplæringsløpet.

Arbeidsoppgåver

• Kartleggje, planleggje og leie elevane si læring
• Analysere og følgje opp elevane si læring
• Sørgje for eit trygt, godt og inkluderande læringsmiljø for elevane
• Vere aktiv i profesjonsfellesskap på skulen og i samarbeid med andre
• Kontaktlærarfunksjon kan vere aktuelt

Kvalifikasjonar

• Undervisningskompetanse for grunnskulen er ønskjeleg, men anna kompetanse og erfaring kan og verte vurdert. 

Personlege eigenskapar

• Initiativrik, gode samarbeidsevner og kan jobbe sjølvstendig og strukturert
• Løysingsorientert, fleksibel og uredd i avgjerder
• Lagspelar som er engasjert og motivert
• Kreativ og nytenkande

Vi legg vekt på at du må vere personleg eigna for stillinga.

Løn etter kompetanse og ansiennitet.

Søkjarliste vil bli offentleggjort.
Det er krav om politiattest for stillingar i skulen.

Er dette noko for deg? Send inn ein søknad innan 07.12.2025. Vi ser fram til å høyre frå deg!