Gnist-programmet
Gnist er eit innovasjonsprogram der næringslivet blir invitert til å løyse konkrete utfordringar i kommunar knytt til stads- og næringsutvikling. Lom kommune er ein av 11 kommunar som er plukka ut til å vere med.
Lom kommune ynskjer å utforske nye bustadmodellar for både fastbuande og besøkande, som bidrar til varierte og gode bumiljø.
Designarar, arkitektar og andre aktørar med relevant kompetanse oppmodast til å gå saman i tverrfaglege team og sende inn tilbod. DOGA og Nordic Edge plukkar saman med kommunane ut eitt team pr. kommune som mottek 300 000 kroner kvar for å utvikle løysingar på dei utvalde kommunane sine utfordringar. Det skjer i form av ein designprosess tilpassa lokale behov i perioden mai–oktober 2022.
Konkurransegrunnlag
Konkurransegrunnlaga med meir informasjon om kommunane sine utfordringar og sjølve prosessen er nå lagt ut. Desse finn du på www.doga.no/gnist2022.
Både små og store aktørar kan sende inn tilbod.
Frist for innsending av tilbod: 11. april 2022.
Informasjonsmøte for potensielle leverandørar
23. mars kl. 10:00-12:00 er det informasjonsmøte for potensielle leverandørar.
Du finn meir informasjon og lenke til påmelding på www.doga.no/gnist2022