3. gongs offentleg ettersyn av framlegg til kommunedelplan for Fossbergom

Lom formannskap gjorde i møte 19.05.2020, sak 28/2020,vedtak om at framlegg til revidert kommunedelplan for Fossbergom blir lagt ut til 3. gongs offentleg ettersyn. Planområdet omfattar Lom sentrum og nærområda omkring, med same planavgrensing som for gjeldande kommunedelplan. Motsegner ved 2. gongs høyring er teke til følgje, og planforslaget er endra i samsvar med dette. Frist for å komme med uttaler og evt. motsegn til planforslaget blir sett til 10.08.2020.