Tilrettelegging i barnehageAlle barn skal få eit barnehagetilbod som gir trivsel, utvikling og læring ut frå eigne føresetnader. Nokre barn treng ekstra støtte eller tilrettelegging – og det finst fleire ordningar for dette. Spesialpedagogisk hjelpBarn under opplæringspliktig alder som har særlege behov, har rett til spesialpedagogisk hjelp. Målet er å gi tidleg støtte i utvikling og læring – til dømes innan språk, sosial kompetanse eller andre ferdigheiter. Hjelpa kan givast individuelt eller i gruppe, og foreldra får òg tilbod om rettleiing.Foreldra skal vere med i prosessen dersom barnet får spesialpedagogisk hjelp. Det blir laga ei sakkyndig vurdering av barnets behov, og kommunen fattar vedtak i samarbeid med foreldra.Pedgogisk-psykologisk teneste (PPT)PPT er kommunen sin faginstans for å vurdere barn sine behov for spesialpedagogisk hjelp. Tenesta hjelper òg barnehagane med kompetanse og tilrettelegging.Gå til PPTBarn med nedsett funksjonsevneKommunen skal sikre at barn med nedsett funksjonsevne får eit høveleg og individuelt tilrettelagt barnehagetilbod.Plikta til tilrettelegging gjeld ikkje tiltak som vil vere ein uforholdsmessig stor byrde for kommunen.Når ein skal vurdere om eit tiltak er uforholdsmessig, skal det leggjast særleg vekt påkva verknad tilrettelegginga har for å byggje ned funksjonshemmande barrierarkva kostnader tilrettelegginga fører med segkva ressursar kommunen har til rådvelde.TeiknespråkopplæringBarn under opplæringspliktig alder som har teiknspråk som førstespråk, eller som etter ei sakkunnig vurdering har behov for teiknspråkopplæring, har rett til slik opplæring.Alternativ og supplerande kommunikasjon (ASK)Barn som manglar funksjonell tale, skal få bruke alternative kommunikasjonsformer og dei hjelpemidla dei treng for å uttrykkje seg.Skyss og tilsynBarn som har rett til spesialpedagogisk hjelp eller teiknspråkopplæring, kan få gratis skyss, tilsyn og reisefølgje dersom det er nødvendig for å kunne delta i tilbodet.Korleis går du fram?Ta kontakt med barnehageadministrasjonen i Lom kommune for rettleiing og hjelp til å vurdere behovet for tilrettelegging.Vil du vite meir?For meir informasjon kan du lese om tilrettelegging i barnehage for barn med nedsett funksjonsevne på nettsidene til Utdanningsdirektoratet.I barnehageloven, kapittel 7, kan du lese meir om kva barnet ditt har rett på av tilrettelegging. Gå til UtdanningsdirektoratetGå til barnehagelovenAnsvarleg for tenesta: Oppvekst Sist endret 29.10.2025 15.47