SFO - skulefritidsordning

Forskrifta er fastsett av kommunestyret i Lom kommune med heimel i lov av 9. juni 2023 nr. 30
om grunnskulen og den vidaregåande opplæringa (opplæringslova) §4-5 femte ledd.

Skulefritidsordninga er eit friviljug omsorgs- og tilsynstilbod utanom den obligatoriske skuledagen for barn i 1.-4.
klasse og for barn med særskilte behov i 1.-7. klasse. Innhaldet og verksemda skal vere prega av barna sitt behov
for leik, tilsyn, kultur- og fritidsaktivitetar og sosial læring.

Loar skule har tilbod om skulefritidsordning (SFO). Tilbodet er for barn i 1.-4. klasse og for barn med særskilte
behov i 1. -7. klasse. Barn med særskilte behov har fortrinnsrett ved mangel på plassar.

I tillegg til ordinære skuledagar, held SFO ope på planleggingsdagar, i haustferien, vinterferien, ut juni etter
skuleslutt, og frå og med veke 32 i samsvar med opningstid i barnehage. SFO er stengt i jule- og påskeferiar.
Opningstida er 07:00-16:30.

Kommunen har ulike SFO-tilbod:

SFO kan i tillegg ta inn barn for enkelttimar/dagar. SFO har ein planleggingsdag i året.

Kommunestyret fastset betalingssatsane i samband med budsjetthandsaminga kvart år.
Foreldrebetalinga blir innkravd kvar månad i samsvar med den tid eleven er påmeldt.
Betaling blir kravd for 10,5 månader. Manglande foreldrebetaling i 2 månader vil kunne føre til at eleven mister
plassen.

Frå 1. august 2024 er det fritak for foreldrebetaling for 12 timar SFO per veke for elevar i 1., 2. og 3. trinn.

Lom kommune er eigar. Rektor Loar skule har leiaransvar og opptaksmynde. Assistent med dagleg ansvar skal så langt som råd vere barne- og ungdomsarbeidar.

Rettleiande delingstal for bemanning er 14. I tillegg kan det vere behov for ekstrahjelp til barn med spesielle behov. Dette må vurderast for kvar enkelt tilfelle, ut frå barnet sitt behov og økonomiske rammer.

SFO ved Loar skule held til i den delen av skulebygningane som heiter "Tripp", samt at dei har tilgang på heile utearealet til Loar skule. Etter avtale med Rektor kan dei ved behov og nytte andre skuleareal.

Hovudinntaket av barn skjer i vårhalvåret. Inntak elles i skuleåret kan skje i den grad dei økonomiske rammene tillet det.

Fram til 1.mai er det høve til å seie opp SFO-plassen. Oppseiingstida er to månader, rekna frå fyrste heile månad.
Ved endringar i opphaldstidene skal foreldra få minst ein månads varsel. Endring i opphaldstid skal skje skriftleg.

Denne forskrifta trer i kraft 01.08.2024.