Tilrettelegging i skulenAlle elevar har rett til eit inkluderande og godt opplæringstilbod, der dei får utvikle evnene sine og oppleve meistring i læring og skulekvardag. Tilpassa opplæringAlle elevar skal få tilpassa opplæring, slik at dei får utvikle seg fagleg og sosialt ut frå eigne føresetnader. Lærarane følgjer med på utviklinga til elevane, og set inn tiltak dersom nokon treng ekstra støtte.Intensiv opplæring på 1.–4. trinnFor elevar på småskulesteget som står i fare for å henge etter i lesing, skriving eller rekning, skal kommunen sørgje for rask og målretta intensiv opplæring. Undervisinga kan gjevast individuelt eller i mindre grupper i ein avgrensa periode.Individuelt tilrettelagd opplæringElevar har rett til individuelt tilrettelagd opplæring dersom dei treng det for å få tilfredsstillande utbytte av opplæringa.I vurderinga av kva for opplæringstilbod som skal gjevast, skal det særleg leggjast vekt på utviklingsutsiktene til eleven. Opplæringstilbodet skal utformast slik at det samla kan gi eleven tilfredsstillande utbytte av opplæringa samanlikna med andre elevar og i tråd med dei opplæringsmåla som er realistiske for eleven.Personleg assistanse og fysisk tilretteleggingElevar som treng det, har rett til personleg assistanse, tekniske hjelpemiddel og fysisk tilrettelegging for å kunne delta i opplæringa på lik linje med andre.Elevane har også rett til nødvendig opplæring i bruk av hjelpemiddel. Alternativ og supplerande kommunikasjon (ASK)Elevar som heilt eller delvis manglar funksjonell tale, har rett til å bruke alternative kommunikasjonsformer og hjelpemiddel i opplæringa, og få opplæring i å bruke desse.Pedagogisk-psykologisk teneste (PPT)PPT er kommunen si faginstans for å hjelpe skular med å tilpasse opplæringa og støtte elevar som treng ekstra tilrettelegging. Tenesta:gjev råd og rettleiing til skular og foreldregreier ut behov for tilrettelegging og lagar sakkunnige vurderingarbidreg i arbeidet med kompetanse- og organisasjonsutvikling slik at skulane blir mest mogleg inkluderandeGå til PPTSlik går du framTa kontakt med kontaktlærar eller rektor ved skulen din, eller Pedagogisk-psykologisk teneste (PPT), dersom du har spørsmål om tilrettelegging eller behov for å drøfte ei sak.Vil du vite meir?Du kan lese meir om tilrettelegging på Utdanningsdirektoretet sine nettsider og i opplæringslova, kapittel 11. Gå til UtdanningsdirektoratetGå til opplæringslovenAnsvarleg for tenesta: Oppvekst Sist endret 29.10.2025 15.39