Skulereglar

Forskrift om skulereglar er fastsett av kommunestyret i Lom 5. november 2024 heimla i lov 9. juni 2023 nr. 30 om grunnskoleopplæringa og den vidaregåande opplæringa (opplæringslova) § 2-2 plikt til grunnskoleopplæring, § 10-6 elevane si plikt til å delta og kommunen si oppfølgingsplikt, § 10-7 skolereglar og § 13 ordenstiltak.

Vi vil arbeide for at skulen:

• er ein stad der alle trivst og kjenner seg trygge.
• er ein stad der alle opplever meistring og tru på seg sjølv.
• er ein stad der alle utvikler sjølvstende og ansvar.
• gjev kunnskap og sosial læring.
• legg til rette for at alle kan få nytta evnene sine best mogleg. 
• lærer elevane å fremje god orden og vise respekt og toleranse for andre.
• er ein inkluderande skule der alle er ein del av fellesskapet.
• gjer elevane førebudde til vidare skulegang og på livet elles.

Læring, tryggleik, trivsel, respekt og toleranse er sentrale føremål med opplæringa i Norge. For å fremje slike verdiar, og for å få eit godt læringsmiljø for elevane, er det viktig å ha klåre rammer. Nokre felles reglar for heile skulesamfunnet, i form av skulereglar, kan bidra til å gje eit godt og trygt skulemiljø. 

Det er viktig å ha klåre og føreseielege reglar i skulekvardagen. Medvit kring kva som er skulen sitt syn på ynskt og akseptabel åtferd, vil òg gjera oppfylging av uønskt åtferd enklare.

Skulereglane presiserer kva skulen forventar av orden og åtferd, kva for tiltak som gjeld ved brot på reglane, og framgangsmåtar når slike sakar skal handsamast.

Skulereglane gjeld i skuletida og i alle tilfelle der skulen har ansvaret for elevane. Det gjeld både skuleveg, timar, friminutt, arrangement og ekskursjonar i skulen sin regi.

I alle sakar som blir handsama etter denne forskrifta, skal omsynet til elevane sitt beste vera eit grunnleggjande omsyn. Skulen skal ta vare på elevane sin rett til å bli høyrde. Elevane skal vere aktivt med i opplæringa og følgje skulereglane. Kommunen skal sørgje for at elevar med fråvær frå opplæringa blir følgde opp.

• Alle har rett til å bli behandla med respekt og omtanke.
• Alle har plikt til å behandle andre med respekt og omtanke. 

5.1 Orden

Elevane skal ha god orden. Det vil seie å: 

• møte presis og utkvilte på skulen og til undervisninga
• ha orden i skulesakene og ha med naudsynt læremiddel og utstyr
• gjere arbeid ein blir pålagd så godt ein kan og til rett tid 
• halde skulen sitt område reint og ryddig
• ta godt vare på og stelle pent med skulebøker og anna undervisningsmateriell
• ta godt vare på alt som høyrer til skulen, både ute og inne.

Orden heng saman med om elevane er punktlege og førebudde og følgjer opp arbeid. (kjelde: høyringsforslag i forskrift til ny opplæringslov).

5.2 Åtferd

Elevane skal ha god åtferd. Det vil seie å: 

• vise omsyn og respekt for andre
• vera hyggelege og høflege
• inkludere alle i leik og aktivitetar
• vera rolege i timane og vise respekt for undervisninga
• vise respekt for skulen og andre sine eigedelar
• rette seg etter beskjedar frå skulen sine tilsette
• vera på skulen og delta i undervisninga heile skuledagen
• vise nettvett og fylgje skulen sine reglar for bruk av mobiltelefonar, datautstyr og anna digitalt utstyr
  • På Loar skal mobiltelefon vera att heime eller vera avslege på skulen. Foreldre skal skrive melding til skulen dersom eleven skal ha med mobiltelefon på skulen
  • På Lom ungdomsskule skal telefonane i mobilhotellet om ikkje anna er avtala med læraren
• la sykkel / skateboard / sjølvgåande køyrety og liknande stå i skuletida. Desse skal parkerast ved skulen før skulestart og hentast der etter skuleslutt.
  • På Loar kan dei bruke sykkel i skuletida på sykkelbana. Påbudt med hjelm.

Det er ikkje god åtferd å: 

• banne eller bruke anna grovt språk
• mobbe eller på andre måtar krenke andre fysisk, verbalt eller digitalt
• vera valdeleg eller koma med truslar
• setje seg opp mot lærar og ikkje rette seg etter tilsnakk
• forlate skulen sitt område utan avtale i løpet av skuledagen
• fuske eller forsøke å fuske på prøver eller innleveringar
• ha med eller bruke tobakk, alkohol eller andre rusmiddel
• ha med farlege gjenstandar eller våpen på skulen sitt område
• nyte godteri, brus og energidrikker i skuletida utan at det er avtala.

Oppførsel heng saman med om elevane viser omsyn og respekt for andre. (kjelde: høyringsforslag i forskrift til ny opplæringslov).

• Tilsnakk – Kan bli gjeve av lærar eller annan tilsett
• Melde frå til føresette – Munnleg eller skriftleg
• Samtaler eller møte – Med elev og/eller føresette
• Setje eleven til arbeid som ikkje er gjort – Dersom det manglar skulearbeid, kan ein elev blitt sett til å gjera oppgåver i pausetid eller fullføre oppgåver heime.
• Rette opp skade – Dette kan vera oppgåver for å rette opp skade som er påført skulen sin eigedom eller anna som skulen eig, til dømes rydde eller vaske.
• Inndraging av gjenstandar – Gjenstandar som er farlege eller som forstyrrar undervisninga kan bli inndregne inntil resten av dagen. Føresette vert varsla.
• Erstatning – Dersom ein øydelegg skulen sitt materiell, må dette erstattast for inntil kr 5000 etter lov om skadeerstatning (skadeserstatningslova § 1-2)
• Bortvising – Ein elev kan visast bort frå timen eller resten av skuledagen. På ungdomsskulen kan elevar visast bort for opp til tre dagar. Føresette blir kontakta. (Opplæringslova § 13-1) 
• Miljøsaker – Skulemiljøsaker vert handsama etter eigne retningsliner i kommunen og plan for å sikre elevane i Lom-skulen eit godt psykososialt miljø.

Gjeld Lom ungdomsskule:

• Merknad – Det blir skrive ned kva brotet på ordensreglane gjeld, og tidspunkt.
• Annullerte prøver – Ved fusk vil prøver kunne bli annullerte
• Nedsett karakter i orden eller åtferd – Føresette får varsel ved fare for nedsett karakter i orden eller åtferd. Brot på reglementet vert vektlagt etter grad av alvor.

Skulen skal syrgje for at avgjerder blir tekne på eit forsvarleg grunnlag. Før det blir teke avgjerder om tiltak, blant anna om bortvising, skal eleven ha høve til å forklare seg munnleg for den som skal ta avgjerda (opplæringslova §§ 10-7 og 13-1). Denne uttaleretten gjeld i høve til alle typar tiltak, og elevane har rett til å uttale seg direkte til den som skal fatte avgjerda. Kor utførleg dette vert handsama, vil variere med alvorsgraden av regelbrotet. Brot på skulereglane skal handsamast på lågast mogleg nivå.

Gyldig fråvær, t.d. helserelaterte orsaker som sjukdom, legebesøk, tannlege og liknande, eller anna akutt fråvær, skal meldast til skulen snarast i app med årsak til fråværet. Dersom skulen ikkje får melding om fråværet, vil føresette bli kontakta.

Permisjon for ein eller fleire dagar søkjer ein om på eige skjema i god tid før fråværet. (Opplæringslova § 2-2, 4. ledd) Retningsliner og søknadsskjema finn du i Visma føresettportal.

Ved fråvær på 10% vil føresette bli kontakta av skulen, for å sjå på tiltak for å auke skulenærværet (opplæringslova § 10-6).

Skulane i Lom skal ha eit elevråd og eit arbeidsutval av foreldra. I tillegg kan ein ha føremålstenlege utval for samarbeid med representantar for elevane, foreldra, dei tilsette og skuleeigar. Elevråd og foreldreutval kan velje å organisere seg på andre måtar, men dette må det i tilfelle tas stilling til før kvart nytt skuleår.

Denne forskrifta tredde i kraft 5. november 2024.