Klubben er eit gratis lågterskeltilbod med fokus på å tilby ungdomane aktivitetar med trygge rammer og tilgjengelege vaksenpersonar. Alle arrangement er rusfrie.
Klubben har fokus på å gje ungdom tillit, og attende ynskjer vi at alle oppfører seg bra mot kvarandre, og tek vare på inventar og utstyr i lokalet på ein god måte.
Verdiar og reglar for klubben
Alle ungdommar som har starta på 8. trinn, og ut vidaregåande skule er velkomne på klubben i Lom.
- Ver grei og vis respekt for kvarandre sine grensar.
- Det er nulltoleranse for mobbing, rasisme, homofobi og anna kjip oppførsel.
- Vald og truande åtferd mot andre ungdommar eller tilsette er ikkje greitt.
- Høyr på beskjedar frå tilsette, dei er der for at du og andre skal kjenne på tryggleik og ha det bra på klubben.
- Klubben er rusfri, det vil seie at du ikkje skal ha med deg, nyte eller vere påverka av rusmidlar som snus, røyk, alkohol eller narkotika.
- Hærverk på utstyr og inventar på klubben er ikkje greitt. Hærverk og steling blir meldt til politiet, og du må erstatte eller fikse det du har øydelagd. Hærverk på fellesrom f.eks. gamingrom, fører til at rommet blir stengd med ein gong og på ubestemt tid.
Uhell kan skje, fint om du seier ifrå til ein tilsett om kva som har skjedd. Alt dette gjeld på alle arrangement i regi av klubben.
Brota på punkta som er nemnt ovafor kan føre til at du må ha pause frå klubben og alle klubbarrangement. I utgangspunktet er pausetida på 2 månadar.
Alle ungdommar som brukar klubben har eit felles ansvar for at alle har det bra, og at klubbens lokalar og utstyr blir behandla fint.
Ved fleire negative hendingar på klubben, stengjer tilbodet på ubestemt tid.
Ha det artig på klubb!
Kva kan du gjere på klubb?
- Henge med vener, det er gratis WIFI i bygget
- Spele på konsoller og VR
- Spele bordtennis og biljard
- Spele på gamingrom, 4 stk pc-ar
- Høyre på høg musikk, 4 stk JBL partyboxar i lokalet
- 75-tommers tv til ps5, film og fotballkampar
- Utlån av sendeplater til diskgolf, fotball, basketball og volleyball
Klubbråd - for ungdom
Klubbrådet møtest jamleg, og er ein stad der ungdomane kan vere med å påverke korleis klubben skal utvikle seg, stemme over innkjøp av utstyr, forslag til aktivitetar og tilbod til ungdom.