Lom ungdomsskule samarbeider med næringslivet i kommunen og regionen med fokus på rekruttering. Elevane både besøkjer og får besøk av lokale bedrifter. I tillegg har vi eit tett samarbeid med både dei offentlege og private vidaregåande skulane som rekrutterer elevar frå oss.
I 8. steg blir elevane meir kjend med eigne interesser, eigenskapar og styrkar og deltek på aktivitetar knytt til primærnæringa.
I 9.steg lærer dei om sekundær- og tertiærnæringane i både eiga kommune, region, Norge og verda og har ei veke praktisk yrkesorientering (PRYO) som dei sjølve har søkt på. Dette året får dei også ein smak av vidaregåande med eit klassebesøk der.
I 10.steg blir informasjonen intensivert og elevane deltek på yrkes- og utdanningsmesse for alle 10. klassingane i Nord-Gudbrandsdalen på Otta. I etterkant av denne får alle høve til å hospitere ein skuledag på valt utdanningsprogram. Dei ulike utdanningsprogramma har ulike arrangement og besøk for å informere elevane gjennom hausten.
Rådgjevar ved skulen har samtalar med dei enkelte elevane for å bidra i prosessen mot å ta val knytt til vidaregåande opplæring. Foreldra får også høve til samtale med rådgjevar, saman med eleven, i samband med utviklingssamtale om hausten.
Frå januar i 10. klasse får elevane rettleiing og opplæring i korleis dei søker. Søknad til vidaregåande opplæring skal sendast via vigo.no innan 1. mars.