Busetting av flyktningar

• Alle flyktningar som blir busette i Lom etter avtale med Integrerings- og mangfaldsdirektoratet (IMDi), har opphaldsløyve i Noreg.
• IMDi ber kommunane om å ta imot flyktningar, og det er kommunestyret som bestemmer kor mange som skal busettast i Lom kvart år.
• Flyktningetenesta har ansvar for å leggje til rette for busettinga og for å gjennomføre introduksjonsprogrammet.

God start i Lom

Når ein flyktning eller familie kjem til Lom, får dei oppfølging og praktisk hjelp den første tida. Dei får rettleiing om helse, økonomi, bustad og korleis ein kan ta del i arbeids- og samfunnsliv.

Arbeidet er eit samarbeid mellom mange – både innanfor kommunale tenester, lokalt næringsliv og friviljuge lag og organisasjonar. 

I Lom ynskjer vi at alle skal kjenne seg velkomne og bli ein del av fellesskapet vårt.