Du kan hjelpe flyktningane

Har du ledig bustad til flyktningar? 

Lom kommune arbeider kontinuerleg for å skaffe nok bustadar til nyankomne flyktningar. Trygg og eigna bustad er viktig for at familier og enkeltpersonar skal få ein god start i kommunen.

• Bustaden bør vere sentrumsnært. 
• Bustaden treng ikkje vere møblert.
• Utleigeprisen må ikkje overstige marknadsprisen. Husleige er noko den enkelte dekker sjølv av eiga inntekt/stønadar. 

Har du ein bustad som kan vere aktuell? Ta kontakt med bustadkonsulenten. 

Ynskjer du å hjelpe som friviljug? 

Døme på oppgåver som det kan trengast hjelp til er:

• fadder/støtteperson
• praktisk hjelp, til dømes skruve saman møblar.
• språkhjelp/oversettar
• hjelp til å bli kjent i lokalsamfunnet

I vaksenopplæringa treng vi friviljuge som kan vere lesehjelp. 

Lurar du på noko, eller ynskjer du å melde deg som friviljug? Ta kontakt med avdelingsleiar for flyktningetenesta.