Bustadhjelp

Råd og rettleiing

Bistanden kan gå ut på å gi råd og rettleiing om økonomi, bu-meistring, statlege og kommunale tenestetilbod eller andre forhold av betydning for bu-situasjonen. 

Praktisk bistand

Kommunen kan også gje praktisk bistand, slik som hjelp til å søkje støtte-, låne- og tilskotsordningar, søkje kommunal bustad eller gje bistand i ein konkret kjøps- eller leieprosess.

For å ha rett på bistand må kommunen vurdere om du er vanskelegstilt på bustadmarknaden. Med vanskelegstilt på bustadmarknaden meinast personar som ikkje er i stand til å ivareta sine interesser på bustadmarknaden.

Du kan være vanskelegstilt på bustadmarknaden som følge av:

• økonomiske forhold
• sosiale forhold
• Helsemessige forhold

Viss du kan skaffe bustad sjølv og spare til kjøp av bustad på eige hand så er du i utgangspunktet ikkje i målgruppa for bustadbistand.

Du kan søke via fysisk søknadsskjema og levere inn eller sende til Lom kommune.

Søknadsskjema er under arbeid og kjem snart. Fram til skjema er klart; ta kontakt med bustadkonsulent via e-post eller telefon.

Naudsynt dokumentasjon på økonomiske, sosiale og/eller helsemessige forhold for å vurdere søknaden må leggjast ved.

Saksbehandling

Kommunen skal innhente dei opplysningane som er naudsynte for å avgjere saken. Viss naudsynt informasjon ikkje ligg ved søknaden kan kommunen kreve opplysningar frå andre offentlege organar, til dømes Folkeregisteret og skattemyndigheitene. Saksbehandlar tek kontakt med søkar for ytterlegare kartlegging viss det er behov for det.

Søknadar etter bustadbistand drøftast i kommunal bustadgruppe. Deretter fattast det eit vedtak med grunngjeving. I vedtaket vil det eventuelt koma fram kva for type bistand søkar har rett på. Vedtaket sendast ut digitalt.

Dersom ein får eit positivt vedtak (tilsagn) på søknad om bustadbistand vil kommunen eller andre offentlege organar (til dømes NAV) fylgje opp dei tiltaka som er oppgitt i vedtaksbrevet.

Saksbehandlingstid

Kommunen skal behandle søknaden så snart som mogleg. Viss saka ikkje kan avgjerast innan éin månad, skal du få beskjed om grunnen til dette. Du skal samstundes få opplyst når det antas at vedtaket blir fatta.

Klageadgang

Dersom du ikkje er fornøgd med vedtaket, kan du klage til kommunen innan tre veker frå du mottek det. Forklar kva du er misfornøgd med og kvifor du meiner vedtaket bør endrast. Opprettheld kommunen si avgjersle blir saken sendt videre til statsforvaltaren.

Har du spørsmål knytt til bustadbistand, ta kontakt med bustadkonsulent.