Kommunal bustad

Ein kommunal bustad er ein utleigebustad som kommunen eig og leiger ut til personar som, av ulike grunnar, har vanskeleg for å skaffe seg bustad på den ordinære marknaden. Dette kan vere på grunn av økonomiske, sosiale eller helsemessige forhold.

Kommunale bustader er eit lågterskeltilbod for dei som treng ei stabil bustadløysing for kortare eller lengre tid.

I Lom kommune kan du søkje om kommunal bustad dersom du har vanskeleg for å skaffe deg bustad på den ordinære marknaden. Til dømes: 

• Vanskelegstilte på bustadmarknaden på grunn av økonomiske, sosiale og/eller helsemessige forhold
• Kommunalt tilsette som har behov for tenestebustad
• Andre søkjarar som treng ein midlertidig stad å bu

Ved prioritering mellom søkarar er det vanskelegstilte på bustadmarknaden som har fortrinnsrett.

Les gjennom Retningslinjene for tildeling av kommunal bustad i Lom kommune før du søkjer, for å lese meir om kven som kan få tilbod og kva kriterium som gjeld.

Søknad

Hausten 2024 tok kommunen i bruk Husbanken sitt system for kommunale bustadar - KOBO. Ved søknad på kommunal bustad via KOBO kan kommunen innhente opplysningar direkte frå Folkeregisteret og Skatteetaten, som legg grunnlaget når søknadar på kommunal bustad skal vurderast.

Søknadar skal så langt det går sendast via KOBO (lenke over). Om du av ulike grunner ikkje får søkt via KOBO kan ein skriftleg søknad med vedlagt dokumentasjon leverast til Lom kommune i servicetorget eller på e-post til post@lom.kommune.no. Viss søknaden er mangelfull kan saksbehandlar kontakte søkjar for ytterlegare informasjon.

Søk om ordinær kommunal bustad

Saksbehandling

Alle søknadar på kommunal bustad blir drøfta i kommunal bustadgruppe. Gruppa består p.t. av bustadkonsulent, bustadforvaltar (eigedom), merkantil stilling (for tida under økonomi) og representant frå flyktningtenesta. I tillegg blir eksterne ressursar innkalla ved behov, til dømes frå NAV Lom og Skjåk og tildelingskontoret Lom og Skjåk.

Det er bustadkonsulenten som er saksbehandlar for søknadar på ordinær kommunal bustad. Merkantil stilling fylgjer opp leigekontraktar. Bustadforvaltar fylgjer opp praktiske forhold knytt til bustaden under leigeforholdet.

Saksbehandlingstid

Kommunen skal behandle søknaden så snart som mogleg. Viss saka ikkje kan avgjerast innan ein månad, skal du få beskjed om grunnen til dette. Du skal samstundes få opplyst når det antas at vedtaket blir fatta.

Leigeprisane for dei kommunale bustadane fylgjer gjeldande gebyrregulativ. Denne vert politisk vedteke kvart år.

Prisane vert indeksregulert kvart år.

Gå til gebyrliste.

• Har du spørsmål som gjeld ordinære kommunale bustadar og søknadsprosess relatert til dette, ta kontakt med bustadkonsulent, Hege Olimb Myhre.
• Har du spørsmål som gjeld omsorgsbustader, ta kontakt med tildelingskontoret i Lom og Skjåk.
• Har du spørsmål knytt til husleigekontrakt og økonomi, ta kontakt med økonomikonsulent, Trude Slettom.