Trygdebustad

Ein trygdebustad er ein kommunal bustad berekna for eldre eller personar med nedsett funksjonsevne som har behov for ein lettare og meir tilrettelagt bustadsituasjon, men som ikkje har behov for heildøgns pleie- og omsorgstenester, slik ein har på sjukeheim eller i omsorgsbustad med bemanning.

Ein trygdebustad passar for personar som klarer seg mykje sjølve, men som kan ha behov for hjelp frå heimesjukepleie eller praktisk bistand innimellom. 

Når du flyttar inn, vil bustaden vere rein og i god stand, slik at du kan kjenne deg velkomen frå første dag.

Trygdebustadane er eit godt val for eldre eller personar med funksjonsnedsetting, som ynskjer å bu sjølvstendig, men i ein meir tilrettelagt bustad med nærliggjande tilgang til ulike servicetilbod i kommunen. 

Bustaden blir tildelt med omsyn til din livssituasjon, der dei med størst behov får høgaste prioritet. 

Om du ynskjer å søkje trygdebustad, så ta kontakt med Heimebasert omsorg på telefon 61 21 72 25.