Tilrettelagt arbeid og aktivitet

Eggjalia arbeidssenter utfører oppdrag for offentlege og private verksemder, og legg til rette for at arbeidet kan utførast av personar med alle typar funksjonsnedsettingar.

På arbeidssenteret driv vi mellom anna med produksjon og pakking/embalering. Vi legg stor vekt på trivsel, sosialt samvære og eigenutvikling.

Nokre eksempel på produkt som blir laga på arbeidssenteret:

• Kort og bordkort til alle slags høve
• Treprodukt som dukkevogner/senger, krakkar, hyller og trådsnellehaldarar
• Vevde filleryer og løparar
• Forkle til barn og vaksne, gryteklutar, ammeputer og sengesett til baby 
• Gardinsaum
• Vi kan tilby sal av billig ved til eldre og uføre. Vi køyrer også ut ved til kvar enkelt for ein rimeleg penge.

Vi treng varierte arbeidsoppgåver og er glade for både små og større oppdrag. Ta gjerne kontakt om du har eit oppdrag vi kan hjelpe deg med. 

Kontakt Eggjalia arbeidssenter

Dersom du eller nokon du kjenner ynskjer å arbeide ved Eggjalia arbeidssenter, kan du søkje om ein tilrettelagt arbeidsplass gjennom kommunale helse- og meistringstenester. Tilbodet er for personar med ulike funksjonsnedsettingar som har behov for ein tilpassa arbeidskvardag i eit trygt og inkluderande miljø.

Slik går du fram:

• Send inn søknad om teneste til Tildelingskontoret for Lom og Skjåk
• Tildelingskontoret vurderer søknaden og fattar vedtak om arbeids- og aktivitetstilbod
• Ved godkjenning vil du få tilbod om plass, og det blir avtalt ein oppstart saman med arbeidssenteret

Gå til Søk helse- og meistringstenester

Vi set pris på besøk frå bygdefolk, kundar og samarbeidspartnarar. Kom gjerne innom for å sjå på produkta våre og slå av ein prat med oss.

Eggjalia arbeidssenter er ein viktig del av Lom sitt tilrettelagde arbeidstilbod, der vi legg vekt på eit inkluderande arbeidsmiljø med rom for alle.