Tilbodet er ope for deltakarar frå Skjåk, Lom, Vågå, Sel, Dovre og Lesja, og skal bidra til trivsel, meistring og sosiale møteplassar i trygge og tilrettelagde rammer.
Aktivitetsdagane blir arrangert fleire gonger i året, og programmet varierer frå gong til gong. Det kan til dømes vere friluftsaktivitetar, idrett, hobbyaktivitetar, turar, spel, matlaging og andre opplevingar tilpassa deltakarane sine behov og interesser. Tilboda er tilrettelagt slik at alle kan vere med, uansett funksjonsnivå.
Kven kan bli med?
- Barn, ungdom og unge vaksne som ønskjer eit tilpassa fritidstilbod.
- Foreldre, føresette og syskjen
- Følgjeperson (ledsagarar) og andre som er viktige for deltakarane
Pris og påmelding:
Det kostar 200 kroner per deltakar. Prisen inkluderer både servering, aktivitetar og deltaking for familien, syskjen og følgjepersonar. Deltakaravgifta er den same for alle, og er med på å dekke utgifter til mat og aktivitetar denne dagen.
Påmelding og informasjon:
Det blir sendt ut invitasjon med informasjon om program, oppmøtestad og påmeldingsfrist i god tid før kvart arrangement. Det er viktig å melde seg på innan fristen, slik at arrangørane kan planleggje aktivitetane og tilrettelegginga best mogleg.
Påmelding til Ergo- og fysioterapitenesta i Lom på telefon: 481 65 520
Aktivitetar 2025
- 19. januar, 12:00-15:00, bading i Skjåkhallen
- 16. februar, 12:00-15:00, kjelkehockey og curling på Lalm
- 30. mars, 12:00-15:00, klatring i Vågåhallen
- 6. april, 12:00-15:00, aking, ski, leik og grilling i Botn, Skjåk v/DNT Gudbrandsdalen
- 15. juni, 12:00-15:00, riding på Lesja
- 7. september, 12:00-15:00, dans på Toftemo
- 19. oktober, 12:00-15:00, innebandy på Otta
- 29. oktober, 18:00, temamøte for pårørande på Otta
- 9. november, 12:00-15:00, bading i Skjåkhallen