Hjelpetenester for barn og unge

Det kan vere vanskeleg å vite kvar du skal gå når du har ei utfordring. I kommunen er det alltid nokon du kan snakke med, anten det gjeld deg sjølv, familie eller ein ven. Er det ein lærar du har god kontakt med, kan hen hjelpe deg med å finne rett teneste, eller du kan ta kontakt med helsesjukepleiaren på skulen eller fastlegen din. 

Alle som jobbar med barn og unge i kommunen har teieplikt. Det vil seie at du (eller foreldra dine om du er under 16 år) må seie at det er greit om ein skal kunne involvere andre.

Råd og tips

• Barneombodet
• Jeg vil vite
• Ung.no - har ei rekke gode artiklar om psykisk helse hos barn og ungdom.
• Barnevakten
• Slettmeg
• Kors på halsen - samtaletilbod  frå Røde Kors for alle opp til 18 år. Tenesta er ope måndag-fredag klokka 14:00-22:00 på telefon 800 333 21.
• Helsenorge.no  - oversikt over fleire hjelpetilbod på telefon og nett som er nyttige når barn eller ungdom slit psykisk.
• Sex og samfunn - her finn du m.a. seksualundervisning og råd om seksuell identitet. Du kan også chatte anonymt med helsepersonell på iChatten
• Rusmidler kan du lese om på nettsidene Weedensenteret og Rusopplysningen
• Nasjonalt kompetansetjeneste for søvnsykdommer

I Lom kommune er vi opptekne av at alle barn og unge skal ha det trygt og godt, og få den hjelpa dei treng når det trengst. Difor ønskjer vi å fange opp utfordringar tidleg, slik at vanskane ikkje rekk å bli større enn dei treng å bli.

Alle som jobbar med barn og unge i kommunen har teieplikt, og dei skal hjelpe deg vidare dersom det finst ei anna teneste som kan passe betre for deg eller barnet ditt.

Dersom du er bekymra for eit barn eller ein ungdom, kan du ta kontakt med:

• Tilsette i barnehagen
• Tilsette på skulen
• Helsestasjonen
• Fastlegen til barnet eller ungdommen

Om du treng råd, støtte eller berre nokon å snakke med, er det låg terskel for å ta kontakt.

Vi samarbeider for at barn og unge i Lom skal ha det trygt og få utvikle seg i trygge omgjevnader.

• På skulen 
  Ta kontakt med ein lærar du har god kontakt med,  eller sosiallærar/miljøterapeut/rådgivar.  PPT - pedagogisk psykologisk teneste undersøkjer om det er behov for ekstra hjelp i barnehage eller skule.
• Skulehelseteneste (6-20 år)   
  Helsesjukepleiar har trefftid på skulane i kommunen. 
• Helsestasjon for ungdom (13 - 20 år)  
  Ein stad ungdom kan kome når ein treng hjelp til noko, eller treng nokon å snakke med. 
• Fastlegen
  Hit kan ein gå for å snakke om det som er vanskeleg, og få hjelp til å bli tilvist vidare dersom ein treng det, for eksempel til BUP poliklinikk (psykisk helsevern for barn og unge), eller til andre tenester i kommunen.
• Psykisk helseteneste Lom og Skjåk (frå ungdomskulealder) 
  Eit lavterskeltilbod til dei med lettare til moderate symptom på angst, depresjon, stress, rus eller samansette helsevanskar som gjer at du har vanskar med å fungere godt i det daglege.
• Bekymrar du deg for eit barn eller ein ungdom?
  Både barneverntenesta og krisesenteret kan gi hjelp dersom ein opplever vald eller overgrep i familien, eller frå andre som står ein nær. Barnevernvakta har døgnbemanning og nåast på telefon 908 54 475. 

Andre hjelparar

• Familievernkontoret på Otta
• BUP poliklinikk (psykisk helsevern for barn og unge)
• Politiet

• Aktivitetskalenderen Friskus
  Friskus er Lom kommune sin aktivitetskalender der du kan finne spennande arrangement og friviljuge oppdrag i området.
• Klubben i Lom
  Møteplass for ungdom frå 8.klasse og ut vidaregåande skule. Lokalet er i 2. etasje i Drengjestugu (same bygg som friviljugsentralen).
• NAV
  For å få hjelp frå NAV til å finne jobb, må du melde deg på som jobbsøkjar. Då får du tilgang til verktøy på nettet som hjelper deg å bli klar for jobb. Viss du treng råd eller rettleiing, kan ein ungdomsrettleiar frå NAV snakke med deg og vurdere kva som bør vere ditt neste steg. Det er lurt  for alle som er ferdige med ungdomsskulen og ikkje har jobb eller skuleplass å registrere seg hos NAV.