Kjøkenet på Lom helseheim er eit sentralt og aktivt miljø der matlaging er meir enn berre tillaging av måltid – det er ein del av omsorgstilbodet. Her blir det laga næringsrike og smakfulle måltid til bebuarane, med særleg vekt på lokale råvarer og tilpassa kostbehov.
Kjøkenet er bemanna med fagpersonell, inkludert kokk med fagbrev, og har ansvar for å laga mat til både langtids- og korttidsopphald, dagsenter for heimebuande personar med demens, samt matombringingstenesta. I tillegg har dei kantine- og cateringverksemd.
I tråd med Lom kommune sitt engasjement for berekraft og lokal matproduksjon, har kjøkenet forplikta seg til å servere meir lokal mat. Målet er at innan 2030 skal halvparten av maten som blir servert, innehalde lokale råvarer. Dette inneber eit nært samarbeid med lokale bønder og produsentar, og gjer at bebuarane får smake på det beste frå lokalsamfunnet.
Kjøkenet på Lom helseheim lagar maten for heile institusjonen. Det er og mogleg for andre eldre og hjelpetrengande å kome hit og kjøpe seg mat. Kjøkenet tilbyr spesialkost for dei som treng det. Ynskje om mat frå pasientane/brukarane strekker vi oss langt for å tilfredsstille. Kjøkenet held på lokale mattradisjonar og lokale leverandørar.
Kantine
- I kantina kan ein få kjøpt seg dugurd/lunsj, kaffe, te brus og andre kioskvarer mellom kl. 11.00 og 12.00.
- Du kan få kjøpt middag seinare på dagen ved å ta kontakt med kjøkenet.
Kantina er ope for heimebuande eldre, pasientar på institusjon, pårørande, besøkjande og tilsette.