Sjukeheimsplass

• Korttidsopphald – for å betre helsetilstanden med mål om å kome heim att.
• Rehabiliteringsopphald – etter til dømes sjukehusopphald, for å gjenvinne funksjon og kunne bu heime.
• Avlastningsopphald – for pårørande med særleg krevjande omsorgsoppgåver.
• Avklaringsopphald – for å kartleggje vidare pleie- og omsorgsbehov.
• Langtidsopphald – når det ikkje lenger er mogleg å få tilstrekkeleg hjelp i heimen.
• Demensopphald – for personar med demensdiagnose.
• Palliativ omsorg – pleie og omsorg ved livets slutt.

• Fagleg bistand med medisinar og oppfølging frå tilsynslege.
• Tannhelseteneste, fysioterapi, ergoterapi og rehabilitering ved behov.
• Hjelp til daglege gjeremål som personleg hygiene, ernæring og vask av tøy.
• Tryggleik og trivsel, og tilgjengeleg personale heile døgnet.
• Sosiale aktivitetar og skjerming ved behov.

Når du har behov for omsorgstenester, vil vi saman med deg vurdere kva hjelp som er best ut frå dine behov. Målet er at flest mogleg skal få bu trygt i eigen heim så lenge det er forsvarleg. Langtidsplass i sjukeheim blir vurdert når andre tiltak ikkje er tilstrekkelege.

Du søkjer ved å sende inn ein skriftleg søknad til Lom og Skjåk tildelingskontor. Tildelingskontoret kan også hjelpe og rettleie deg i søknadsprosessen. Du finn meir informasjon ved å gå til Søk helse- og meistringstenester:

Søk helse- og meistringstenester

Betaling for opphald i institusjon er regulert av statlege forskrifter. Kvart år blir det fastsett maksimumssatsar for vederlag for dag-, natt- og korttidsopphald opp til 60 døgn. Desse satsane er faste per døgn og uavhengige av inntekta til brukaren. Desse satsane finn du i Gebyrlista.

Gå til gebyrliste

Les meir om berekning av eigenandel for kommunale helse- og omsorgstenester på Lovdata.no.

Saksbehandling og vedtak

• Søknaden blir behandla individuelt av tildelingskontoret.
• Tildeling skjer i eit tverrfagleg inntaksmøte kvar tysdag.
• Du vil få skriftleg melding om vedtak.

Rett til å klage

Vedtak om tildeling og bortfall av plass kan påklagast. 

Les om Klagerett