Jordmorvakt

Jordmorvakta er eit tilbod for deg som er gravid og treng hjelp utanom vanleg opningstid. Tenesta er døgnkontinuerleg og bemanna med jordmor som kan gi støtte, råd og vurdering når du treng det mest.

Dette kan du få hjelp til:

  • Råd, rettleiing og undersøking ved akutte helseplager i svangerskapet, som til dømes smerter eller blødingar.
  • Vurdering og tilvising til fastlege, legevakt eller spesialisthelsetenesta, dersom det er behov for vidare oppfølging.
  • Fylgjeteneste til Sykehuset Innlandet, dersom fødsel er i gang eller du har behov for tilsyn på sjukehuset.
  • Oppfølging av gravide utanom kontortid, for deg som treng ein samtale eller ekstra oppfølging på kveld eller helg.
  • Ammerettleiing, både i dei første dagane etter fødsel og ved behov seinare.

Jordmorvakta i Nord-Gudbrandsdal held til i 2. etasje på Nord-Gudbrandsdal Lokalmedisinske Senter (NGLMS) i Otta, og er ein del av det regionale vaktsamarbeidet mellom kommunane.

Ansvarleg for tenesta: Nord-Gudbrandsdal lokalmedisinske senter (NGLMS)

Sist endret 20.11.2025 12.29