BUP (Barne- og ungdomspsykiatrisk poliklinikk)

BUP utreier, behandlar og følgjer opp barn og ungdom som strevar med psykiske vanskar. Dei tilsette i BUP er psykologar, legar, sjukepleiarar og andre fagpersonar med spesialkompetanse innan psykisk helsevern for barn og unge.

Dei vanlegaste grunnane til å bli vist til BUP er:

• Angst eller depresjon
• Eteproblem
• Konsentrasjonsvanskar eller ADHD
• Tvangslidingar (OCD)
• Belastande livshendingar eller traume
• Psykose eller andre alvorlege psykiske vanskar

For å få time hjå BUP må barnet eller ungdommen bli vist vidare frå fastlege, helsesjukepleiar eller annan fagperson. BUP vil så vurdere om det er behov for utgreiing og behandling.

Når barnet eller ungdommen får plass hjå BUP, blir det sett opp ein plan for kartlegging og behandling. Behandlinga skjer ofte i samarbeid med føresette, skule, helsestasjon, fastlege og andre viktige personar rundt barnet.

Lom kommune har eit tett samarbeid med BUP, særleg via helsestasjon, skulehelsetenesta og psykisk helseteneste for barn og unge. Målet er å sikre god oppfølging både før, under og etter behandling i spesialisthelsetenesta.

Det er viktig å søkje hjelp tidleg viss eit barn eller ein ungdom:

• Har vedvarande nedstemtheit, angst eller uro
• Strevar med store søvnproblem
• Har vanskeleg for å vere på skulen eller delta i aktivitetar
• Har etevanskar eller sjølvskading
• Har opplevd alvorlege hendingar som påverkar den psykiske helsa

Er du som føresett uroa for barnet ditt, kan du ta kontakt med:

• Fastlegen
• Helsesjukepleiar på skulen eller helsestasjonen
• Psykisk helseteneste

Saman vurderer vi om det er behov for vidare tilvising til BUP.