Pasientforløp for psykisk helse og rus

Slik blir du vist vidare til pasientforløp

Eit pasientforløp startar ved at fastlegen eller ein annan som kan henvise, sender ei henvising til spesialisthelsetenesta, som regel eit sjukehus. Når spesialisthelsetenesta har gjort ei vurdering av henvisinga di og konkludert med at du har rett til hjelp, vil du få eit brev med innkalling til samtale.

Vidare planlegging av utredning og behandling skjer i samarbeid med deg. Det er kommunens ansvar å sikre at du får nødvendig oppfølging medan du ventar på eventuell behandling i spesialisthelsetenesta.

Korleis blir behandlinga tilpassa deg?

• Du er involvert i alle avgjersler.
• Du får ein behandlingsplan der mål og oppfølging blir avtalt saman med deg.
• Har du behov for det, kan du få ein individuell plan (IP) for å samordne fleire tenester over tid.
• Du får vite om relevante brukar- og pårørandeorganisasjonar som kan støtte deg.
• Du har rett til å velje behandlingsstad blant dei som har avtale med helseføretaka.

Kva er viktig for deg?

Du skal bli spurt om kva som er viktig for deg i behandlinga, og det er viktig at du seier frå viss du ikkje opplever å bli høyrd.

Oppfølging og samarbeid

Behandlinga skal skje utan unødig ventetid og i samarbeid med andre tenester ved behov.

Pårørande si rolle

Pårørande er ofte ei viktig støtte og kan bidra med informasjon og støtte undervegs. Dei skal få god oppfølging, og barn og søsken som er pårørande skal takast særleg vare på.

Pårørande kan også få kontakt med eigne pårørandetilbod og -organisasjonar for støtte og råd — dette er gratis og utan henvising.

Kontaktpersonar

• Pakkeforløpskoordinator i Lom og Skjåk: Håvard Åmot Svestad, leiar psykisk helseteneste, tlf. 48149062
• Pakkeforløpskoordinator i Lom for barn og unge: Liv Marie Øyjordet, leiande helsesjukepleiar, tlf. 97667747

Les meir om paseintforløp på helsenorge.no