Psykisk helseteneste

Tilbodet er ope for alle frå ungdomsskulealder og oppover som bur eller oppheld seg i Lom eller Skjåk.

Vi har kontortid måndag til fredag kl. 08.00–15.30.

• I Lom held vi til på Gamle Loar
• I Skjåk har vi kontor på kommunehuset i Bismo

Vi kan vere ein samtalepartnar for deg som strevar med:

• Angst, nedstemtheit eller depresjon
• Stress, forventningspress eller mistrivsel
• Rusproblem eller samansette livsvanskar
• Livskriser, sorg, eller andre utfordrande hendingar
• Bekymringar som gjer kvardagen vanskeleg, både på skule, arbeid eller heime

Ingen problem er for små, og du treng ikkje henvising for å ta kontakt.

Du kan kontakte oss via:

E-post: havard.svestad@lom.kommune.no
Mobil: 481 49 062

Du kan også få tilvising frå fastlege, eller hjelp frå andre tenester.

Vi tek kontakt så snart vi kan — og seinast innan 3 veker. Dersom situasjonen krev det, får du time tidlegare. Du får ein fast kontaktperson og tilbod om 2–3 kartleggingssamtalar, der vi saman ser på kva som er viktig for deg akkurat no.

Etter kartleggingssamtalane blir vi einige om eit opplegg vidare, dersom du ynskjer det. I fellesskap lagar vi ein enkel behandlingsplan med mål, arbeidsmåtar og tidsperspektiv.

Dersom du har behov for fleire tenester, til dømes frå NAV, fysioterapeut eller andre, kan vi hjelpe med å setje saman ei ansvarsgruppe som jobbar saman for deg.

Det er dine mål og ynskjer som er utgangspunktet for arbeidet vi gjer saman. Vi legg vekt på at du kjenner deg trygg, blir lytta til og får vere med og bestemme.

Pårørande og nettverk er også ein viktig ressurs for deg, og vi oppmodar gjerne til å involvere dei dersom du vil.