Råd frå kommuneoverlegen blir gjeve til helsetenestene i kommunen, men også til andre tenesteområde med innverknad på folkehelsa (eksempelvis vassforsyning, renovasjon, skular og barnehagar). Kommuneoverlegen gir òg råd direkte til befolkninga og til kommunepolitikarane.
- Kommuneoverlegen skal gjennom rådgjevinga si bidra til at befolkninga får naudsynte helsetenester og at tenestene er forsvarlege.
- Kommuneoverlegen har eit lovfesta ansvar for å overvake smittsame sjukdommar i kommunen og arbeide for å avgrense utbreiing av desse.
- Kommuneoverlegen kan fatte vedtak om tvungen legeundersøking når det blir mistenkt at nokon på grunn av alvorleg psykisk sjukdom unndrar seg naudsynt helsehjelp.
- Kommuneoverlegen tar vare på kommunens hastekompetanse innan smittevern, miljøretta helsevern og helsemessig beredskap.
Kommuneoverlegen i Lom arbeider med sakar innanfor områda:
- Smittevern
- Beredskap
- Samhandling
- Rus/psykiatri
- Miljøretta helsevern
Kontaktinformasjon
Spørsmål og sakar til kommuneoverlegen skal sendast til post@lom.kommune.no