Bli støttekontakt

Som støttekontakt bidreg du til:

• Sosialt fellesskap og aktivitetar
• Følgje til fritidsaktivitetar, som kino, kafébesøk, turar, trening eller hobbyar
• Skape opplevingar og glede i kvardagen

Arbeidet skjer etter brukar sitt behov og interesser. Du jobbar oftast 3–4 timar i veka og er på oppdrag for kommunen. Du er ikkje fast tilsett, men får godtgjersle frå Lom kommune for arbeidet ditt.

Det er ingen krav om spesifikk utdanning eller fagkompetanse for å bli støttekontakt.
Vi ynskjer at du:

• Er over 18 år (personar under 18 år kan få oppdrag etter avtale med brukar og føresette/verje)
• Er glad i å vere saman med menneske
• Har evne til å finne på aktivitetar og vere ein motivator
• Kan binde deg til oppdraget over tid (minimum 1 år), for å sikre stabilitet for brukaren

Har du lyst til å bli støttekontakt? Ta kontakt med avdelingsleiar for tilrettelagte tenester: Ann Kathrin Flækøy 

Når du er støttekontakt på oppdrag for Lom kommune, får du betalt for arbeidet ditt. Du blir engasjert som oppdragstakar, og får godtgjersle etter kommunen sine satsar. Det vert også avtalt om du får dekka eventuelle utgifter i samband med aktivitetane du og brukaren deltek på, som kinobillettar, mat eller transport.

Godtgjersla varierer etter tal timar og innhaldet i oppdraget. Dette blir avtalt med kommunen før oppstart.

Lovgrunnlag

Støttekontaktordninga er ei kommunal teneste heimla i Lov om kommunale helse- og omsorgstjenester § 3-2, første ledd nr. 6 bokstav b. Her står det at kommunen skal tilby personlege tenester, som mellom anna støttekontakt, til dei som har behov for det.

Du kan lese meir om lova på Lovdata.no