Rehabilitering

• Kvardagsrehabilitering er eit tilbod om intensiv kvardagstrening, tilrettelegging og støtte til meistring av daglege aktivitetar for heimebuande som har hatt eit fall i funksjon. 
• Det overordna målet er å styrke deg i staden for å tilby kompenserande og passiviserande tiltak. 
• Kvardagsrehabilitering er eit gratis, tidsavgrensa og intensivt treningsopplegg på omlag 6 veker.

Tilbodet passar for deg som:

• bur heime
• har fått redusert funksjon, enten brått eller over tid
• strevar med å meistre ein eller fleire daglege aktivitetar
• er motivert for å trene og få støtte til trening i eigen heim og nærmiljø

• Om vi blir einige om at kvardagsrehabilitering passar for deg, får du eit opplegg som varar i omlag seks veker. 
• Saman med deg set vi mål for kva du ynskjer å klare i kvardagen. 
• Ein heimetrenar kjem på besøk fleire gonger i veka og hjelp deg med å trene på det du vil bli betre til. Du blir òg oppmuntra til å vere aktiv og øve sjølv mellom besøka.

Du kan sjølv sende inn ei behovsmelding, eller få hjelp av pårørande, fastlegen, heimesjukepleia, fysioterapeut eller ergoterapeut.

Last ned behovsmeldingsskjema (PDF, 43 kB) og send det til Tildelingskontoret Lom og Skjåk, eller lever det til heimesjukepleia.

Tidleg innsatsteam er eit tverrfagleg og førebyggande tilbod innan omsorgstenester, med fokus på helsesamtalar, tilrettelegging og tidleg innsats for folk med auka behov. 

Tilbodet er ein del av kommunen si strategi for "Leve heile livet" og satsing på tidleg innsats, saman med tiltak som kvardagsrehabilitering, heimebasert omsorg, velferdsteknologi og psykisk helse.

Tilbodet er for deg som har opplevd funksjonsnedsetting eller som ønskjer støtte slik at ein klarar meir i kvardagen. Tiltaket er meint å oppdage utfordringar tidleg og sette inn rette tenester før behova blir større. 

• Risikerer å få redusert funksjon og treng førebyggjande tiltak
• Er nyleg utskriven frå sjukehus, rehabilitering eller korttidsopphald
• Har opplevd endringar i livssituasjonen
• Har behov for kommunale tenester som til dømes heimehjelp, tryggleiksalarm, hjelpemiddel eller matombringing

Innsatsteamet kjem heim til deg og kartlegg kva som er viktig i din kvardag, og kva som skal til for at du skal vere mest mogleg sjølvhjulpen. Teamet består blant anna av ergoterapeut, representantar frå Lom og Skjåk tildelingskontor og andre samarbeidspartnarar ved behov.

Du kan sjølv ta kontakt med Lom og Skjåk tildelingskontor. Pårørande, fastlege eller anna helsepersonell kan også ta kontakt på dine vegner.

Kontaktperson:
Koordinator / ergoterapeut Ina Steen Kartfjord
Tlf: 911 63 718

Lom og Skjåk tildelingskontor
Tlf: 948 48 724