Ergo- og fysioterapitenesteErgo- og fysioterapitenesta Lom og Skjåk har sidan 1. mars 2021 vore organisert som ei interkommunal teneste, med Lom som vertskommune. Det er likeverdige tilbod i dei to kommunane, med kontor og behandlingslokale i både Lom og Skjåk. Ergo- og fysioterapitenesta består av to ergoterapeutar og seks fysioterapeutar fordelt på 6,7 årsverk. Brukarane står fritt til å velje kva for kommune dei ynskjer oppfølging i.Tenesta består av helsefremjande og førebyggande arbeid, habilitering og rehabilitering. Målet er å oppnå best mogleg funksjon i samband med skade eller funksjonssvikt gjennom kartlegging, trening, behandling og vurdering av kompenserande tiltak med tekniske hjelpemiddel. Tenesta behandlar enkeltpersonar i alle aldrar, men kan også jobbe helsefremjande og førebyggande mot enkeltpersonar, grupper og på samfunnsnivå. Tenesta samarbeider mellom anna med lege, helsestasjon, barnehage, skule, pleie- og omsorgstenesta, psykisk helse, hjelpemiddelsentralen og spesialisthelsetenestene. Sist endret 30.09.2025 14.34