Feiing og tilsyn

• tradisjonell feiing av piper og kontroll av fyringsanlegg
• tilsyn i bustader
• feiing og tilsyn i hyttar, setrar og fritidsbustader.

I Lom og Skjåk er det innført behovsprøvd feiing. Dette betyr at all feiing og tilsyn nå blir utført etter risikovurdering av kvart fyringsanlegg.
I 2017 vart det innført feiing og tilsyn på hytter, setrer og fritidsbustader. 

Tilsyn med fyringsanlegg er ein kontroll av om anlegget er intakt, verkar som det skal og er tilfredstillande sikra mot brann eller anna skade. I tillegg blir det utført kontroll av røykvarslarar, sløkkemiddel og anna som er av betydning for branntryggleiken. 

At fyringsanlegg er intakt betyr at det er utan skade og utført i medhald til gjeldande regelverk. At det verkar som det skal betyr at det er god forbrenning, at energien blir utnytta effektivt og at røyken blir leia ut av huset på ein tilfredstillande måte.

Tilsyn med fyringsanlegg skal utførast etter behov. Undersøkingar syner at dei fleste brannar som oppstår i samband med fyringsanlegg, skuldast feil bruk eller skadar og feilmonteringar. Utifrå dette er tilsyn med fyringsanlegg ein stadig aukande del i feietenesta sin totale ressursforbruk. Tilsyn skal utførast etter behov, men minst utførast kvart 8. år.

I tillegg til kontroll av sjølve fyringsanlegget, skal tilsynet omfatte informasjons- og motivasjonstiltak. Tilsynet er ei god anledning til å prate med feiaren om fyring og brannvern i bustaden.
 

• Når feiaren kjem må eigar, eller representant for eigar, vere tilstades. Dette for at feiaren få gjennomført tilsyn på fyringsanlegget inne. For å kunne gjennomføre feiing må det vere tilrettelagt for adkomst til tak. Det er krav til sikker adkomst til, og på tak for feiaren.
• Det er krav til røykvarslar og sløkkemiddel.
• Dersom feiaren finn alvorlege feil eller manglar ved fyringsanlegget, vil dette bli fulgt opp på vanleg måte, og avvika må utbetrast innan ein fastsett frist.
• Varsel om feiing og tilsyn vil bli gjeve med melding vis SMS. I varselet vil du vil få ein link der du kan stadfeste om tidspunkt for tilsyn/feiing passar eller ikkje. 

Hugs dette før feiaren kjem:

• Steng feieluker og spjeld
• Klargjer stige til tak
• Kontroller takstige/ taktrinn

Når det gjeld gebyr for feiing og tilsyn for fritidsbustadar, hytter og setrer, så blir dette gjort på same måte som for bustader. Alle heimelshavarar på hytter, setrer, fritidsbustader og næringsbygg blir ilagt gebyr.

Storleiken på gebyret er fastsett av kommunane, og det er etter sjølvkostprinsippet. Eigarane av desse objekta betalar ein delsum av gebyret kvart år, uavhengig av kva for år det er utført feiing og tilsyn.

Ein bustadeigar kan krevje fritak for avgift dersom eldstaden er fråkopla og røyrinnføringsholet er attmura. Eldstaden kan plomberast av feiaren.
Det er utarbeidd eige lokal forskrift om feiing Lom og Skjåk.

Gebyrliste Lom

Gebyrliste Skjåk

Dette er søknadspliktig tiltak etter plan og bygningsloven, og kommunen må kontaktast.

Ved installering av ny eldstad skal du melde frå til feiarvesenet. Innrapporteringsskjema finn du nedafor. 

Innrapporteringsskjema for ny eldstad