Brannvesenet jobbar for å skape gode haldningar hjå kvar enkelt, gjennom eit aktivt informasjons- og motivasjonsarbeid til allmennheita (kampanjar, stands mm).
Lom og Skjåk brannvesen har fokus på brannvernopplæring til ulike grupper i samfunnet, spesielt barnehagar og skular, samt eldre og risikoutsette grupper. I Lom og Skjåk er det utvikla samarbeid med helsesektoren, for å ivareta denne gruppa best mogleg. Med økonomisk støtte frå Brannløftet, er det mellom anna, montert ekstra komfyrvakter og røykdetektorar med direktevarsling til alarmsentralen for dei som har tryggleiksalarm. Det er også eit mobilt sprinkelanlegg i kvar kommune som blir utplassert etter behov.
Brannvesenet driv også kursverksemd og opplæring for næringslivet.
Brannførebyggande arbeid inkluderar også tilsyn av særskilte brannobjekt og feiing/ tilsyn med alle fyringsanlegg, saksbehandling etter brann og eksplosjonsvernlova, samt søknad om løyve til handel med fyrverkeri.