Om kulturskulen

Velkomen til Lom og Skjåk kulturskule

Lom og Skjåk kulturskule er eit samarbeid mellom kommunane Lom og Skjåk, og er ope for alle born og unge som ønskjer å utfalde seg gjennom kunst og kultur.

Kulturskulane i Noreg er forankra i opplæringslova §13–6, som seier at:

«Alle kommunar skal aleine eller i samarbeid med andre kommunar ha eit musikk- og kulturskuletilbod til born og unge, organisert i tilknyting til skuleverket og kulturlivet elles.»

Eit skule-, fritids- og kulturtilbod

Hos oss får du moglegheita til å lære, skape og uttrykkje deg gjennom mange ulike fag og aktivitetar.
Sjå oversikt over alle undervisningstilbod og kven som underviser på kulturskulen.

Viktig å vite

Når du får plass, forpliktar du deg til å vere elev heile skuleåret. Dersom du sluttar undervegs, må du likevel betale full elevavgift. Oppseiing skal sendast skriftleg til rektor.

Om søknad, opptak og venteliste

Søknad og opptak

Re-registrering og ventelister

Slik loggar du inn i speedadmin.dk

Rammeplan og mål for kulturskulen

Les meir om nasjonale mål og rammer for kulturskulane her:

Kulturskulen skal:

gje alle elevar moglegheit til å utvikle kunnskap og dugleik i kunstfag
gje rom for å finne og formidle eigne uttrykk
styrke estetisk, sosial og kulturell kompetanse
fremje kritisk refleksjon og sjølvstendige val
gje moglegheit for fordjuping og vidare utdanning innan kunst og kultur
samarbeide med skuleverket for eit heilskapleg tilbod
vere eit lokalt ressurssenter som styrkjer kulturell kompetanse i lokalsamfunnet

Serviceerklæringa

Dette kan du forvente av kulturskule i Lom og Skjåk

Undervisning i tråd med Rammeplanen for kulturskulane i Noreg «mangfald og fordjuping»
Opplæring av kvalifiserte pedagogar og/ eller utøvarar.
Opplæring tilpassa den enkelte elev sine føresetnadar , behov og interesse (faser)
At lærarane kan gje råd ved kjøp av eige instrument eller utstyr.
At du får beskjed frå skulen om læraren er sjuk eller forhindra frå å undervise.
Dersom læraren er sjuk eller forhindra frå å undervise, freistar skulen etter beste evne å skaffe vikar.
Kulturskulen gjev reduksjon i elevbetaling etter 3. avlyste undervisning pr semester.
At alle som søkjer plass, får beskjed om inntak eller ventelisteplass, før oppstart av nytt kulturskuleår.

Dette forventar vi av deg som er elev ved kulturskulen i Lom og Skjåk

At du er motivert og har lyst til å øve for å verta betre.
At du møter opp kvar veke, eller gjev beskjed så tidleg som mogleg til læraren din dersom du ikkje kan møte. Elevar som ikkje melder frå til læraren sin om at dei er borte tre gonger i eit semester, mister plassen sin på tilbodet. Eleven må likevel betale elevavgift ut skuleåret. Elevar som er borte to gongar utan å gje beskjed, vil få skriftleg åtvaring frå rektor om at han står i fare for å misse plassen sin.
At du set av tid til å vera med på konsertar, framsyningar, utstillingar og prosjekter utanom den ordinære undervisinga.
At du overheld fristen for re-registrering (1. april - 1. juni).
Elevar i 10. klasse som ynskjer å halde fram ved kulturskulen om dei kjem inn på vidaregåande i nærleik av heimen, må re-registrere seg for nytt kulturskuleår (1. april - 1. juni). Dersom eleven ikkje kan halde fram på kulturskulen grunna flytting, må heimen kontakte rektor innan 1. august på e-post. Elevar som grunna flytting ikkje seier opp plassen sin på e-post innan 1. august blir registrerte som elevar og må betale for heile skuleåret.
Vi gjer merksam på at du ved gjentatt ugyldig fråvær eller dårleg oppførsel kan miste plassen din.

Dette forventar vi av deg som er føresett ved kulturskulen i Lom og Skjåk

At de oppmuntrar og støtter eleven, og legg forholda til rette for dagleg øving heime.
At du melder frå til læraren dersom eleven skal vera borte frå undervisninga. Elevar som er borte to gonger i eit semester, utan å gje beskjed, vil få skriftleg åtvaring frå rektor om at han står i fare for å misse plassen sin. Elevar som ikkje melder frå om at dei er borte tre gonger i eit semester, misser plassen sin på tilbodet. Eleven må likevel betale elevavgift ut skuleåret.
At de tek kontakt med læraren dersom de har spørsmål eller ynskjer å koma med innspel til undervisninga.
At de etter avtale med læraren, kjøper noter og nødvendig utstyr.
At de tek godt vare på instrument/ utstyr til skulen. Føresette er ansvarlege for å dekke skade på instrumentet om eleven har forårsaka dette gjennom uvettig handtering
At du set av tid til å vera med på konsertar, framsyningar, utstillingar og prosjekter utanom den ordinære undervisinga.
At du overheld fristen for re-registrering (1. april - 1. juni)
Elevar i 10. klasse som ynskjer å halde fram ved kulturskulen om dei kjem inn på vidaregåande i nærleik av heimen, må re-registrere seg for nytt kulturskuleår (1. april - 1. juni). Dersom eleven ikkje kan halde fram på kulturskulen grunna flytting, må heimen kontakte rektor innan 1. august på e-post. Elevar som grunna flytting ikkje seier opp plassen sin på e-post innan 1. august blir registrerte som elevar og må betale for heile skuleåret.
Vi gjer merksam på at eleven ved gjentatt ugyldig fråvær eller dårleg oppførsel kan miste plassen din.
At de overheld fristar for elevbetaling.

Bli med i kulturskulen!

Lom og Skjåk kulturskule er ein møtestad for skaparglede, meistring og fellesskap.
Her får du utvikle deg i trygge og inspirerande omgjevnader – saman med andre som deler interessa di for kunst og kultur.

Klikk her for å kome til søknadsskjema

Sist endret 19.11.2025 09.54