Byggetilsyn

Kva er eit byggetilsyn?

Eit byggetilsyn er ein kontroll der vi sjekkar at dei ansvarlege i ei byggjesak følgjer løyvet og regelverket. Vi kan føre tilsyn i alle fasar av byggjesaka – og heilt opp til fem år etter at ferdigattest er gitt.

Når og kvifor fører vi tilsyn?

Vi kan føre tilsyn:

• ved behandling av søknader, som rammeløyve eller ferdigattest
• undervegs i byggeperioden
• etter melding frå innbyggjarar eller andre om mogleg ulovleg bygging
• på eige initiativ

I dei fleste tilfelle får du varsel på førehand dersom vi kjem på tilsyn. Men vi har òg høve til å gjennomføre tilsyn utan førehandvarsling.

Kva er heimelen for tilsyn?

Tilsyn blir ført med grunnlag i:

• Plan- og bygningslova § 1-4 og kapittel 25
• Byggesaksforskriften kapittel 15