Kva er eit nabovarsel?
Eit nabovarsel er ei melding om at det er planlagt eit bygge- eller anleggstiltak som kan påverke eigedommen din. Varslet gir deg høve til å sjå kva som er planlagt, og til å kome med innspel eller merknader før saka blir behandla.
Kva skal stå i eit nabovarsel?
- Kven som søkjer
- Kva som skal gjerast
- Kart og teikningar av tiltaket
- Frist for å sende inn merknader (minimum 2 veker)
Kva gjer du når du får eit nabovarsel?
Les gjennom informasjonen nøye. Dersom du har innspel eller er uroa for noko ved tiltaket, kan du sende ei skriftleg merknad til søkjaren innan fristen. Det kan vere til dømes spørsmål om støy, trafikk, utsikt eller plassering av bygningar.
Kven skal sende ut nabovarsel?
Det er den som søkjer om å få bygge eller gjennomføre tiltaket som har ansvar for å sende ut nabovarsel, og for å dokumentere at naboane har fått det.
Du kan gjere det sjølv ved å logge inn på kommunen sine kartportalar Isy Map eller Isy Map Server
Når treng ein ikkje sende nabovarsel?
Dersom tiltaket er så lite at det ikkje krev søknad, eller viss kommunen vurderer at det ikkje har innverknad for naboar, treng det ikkje sendast ut nabovarsel.
Spørsmål?
Gå til DiBK for rettleiing og skjema for nabovarsling
Ta gjerne kontakt med kommunen dersom du lurer på noko om nabovarsel eller byggesøknader.