Kommunen tildeler talkoden i eigedomsregisteret, matrikkelen. Denne koden blir brukt for å identifisere eigedomar i både matrikkelen og grunnboka.
Gards- og bruksnummer (forkorta som gnr. og bnr.) treng du for eksempel ved kjøp eller sal av eigedom, når du skal søke om byggetiltak, ved tinglysing av dokument, eller når du ønskjer informasjon frå tinglysinga.
Gards- og bruksnummeret er registrert både i matrikkelen og i grunnboka. I matrikkelen finn du fysiske opplysningar om eigedomen, som areal, grenser, bygningar og vegadresse.
Dersom du ønskjer meir informasjon om eigedomen din, kan du bestille eit matrikkelbrev.
Gard- og bruksnummer som adresse
Ikkje alle eigedomar i Noreg har ei tilknytt vegadresse. I fleire kommunar er det derfor vanleg å bruke gards- og bruksnummer som den einaste adressetypen – det vi kallar ei matrikkeladresse. Ei slik adresse kan innehalde berre gards- og bruksnummer, men kan også inkludere eit festenummer (forkorta fnr.) og eventuelt eit undernummer.
Seksjonsnummer
Seksjonsnummer blir tildelt når ein eigedom blir seksjonert, slik at kvar eigarseksjon får eit eige seksjonsnummer i tillegg til eigedommens gards- og bruksnummer. Det skjer når ein eigedom er eigd av fleire personar saman, og sameigarane skal få einerett til å bruka ei bestemd brukseining (bustad) på eigedommen. Dette gjeld i hovudsak rekkehus, blokker og andre leilegheitskompleks.
Festenummer
Festenummer blir tildelte når ein del av ein vanleg grunneigedom blir leigd bort (blir festa). Arealet som blir leigd bort blir då målt opp som ein eigen festegrunn, som blir gitt eit festenummer i tillegg til gards- og bruksnummeret som blir behalde frå hovudeigedommen. Dette må ordnast hos kommunen før ein festekontrakt kan tinglysast.
Sjå meir om gards- og bruksnummer på Kartverket.
Ansvarlig for tenesta: Plan, byggesak og miljø