Kva er grensepåvisning?
Grensepåvising går ut på å vise fram og klargjere grensene for ein eigedom, enten dei er fastsette med koordinatar frå før (gjennom målebrev eller matrikkelbrev), eller dei er eldre grenser utan eksakt dokumentasjon, til dømes frå skylddeling.
Kommunen gjennomfører ei oppmålingsforretning der ein tolkar eigedomsdokument og samanliknar desse med det som er synleg i terrenget.
Tenesta er heimla i matrikkellova § 17 og matrikkelforskrifta § 36.
Kven kan bestille?
Desse kan sende inn rekvisisjon for grensepåvising:
- Hjemmelshavar (eigaren)
- Festar
- Advokat
- Offentlege organ som kommune, fylkeskommune eller stat
- Andre med skriftleg fullmakt
Dersom eigedomen tilhøyrer eit firma, må ein person med signaturrett i verksemda stå som rekvirent.
Kva må vere med i bestillinga?
Følgjande skal leggjast ved når du bestiller:
- Utfylt skjema for oppmålingsforretning og matrikkelføring
- Målebrev eller skylddelingsdokument dersom det finst
- Situasjonskart der det kjem fram kva grensepunkt som skal visast
Slik går prosessen føre seg?
- Mottak og kontroll: Når kommunen har fått inn rekvisisjonen, gjer dei ein førebels gjennomgang. Dersom noko manglar, får du melding om det.
- Varsling: Når alt er i orden, får du og naboane varsling om tidspunkt og stad for oppmålingsforretninga.
- Oppmålingsforretning: Kommunen møter opp i terrenget, går gjennom grensene og dokumenterer resultatet.
- Matrikkelføring: Etter oppmålingsforretninga vert grensene ført inn i matrikkelen, og det vert laga matrikkelbrev som vert sendt til rekvirent og andre involverte.
Pris
Det vert kravd eit gebyr for saksbehandlinga etter kommunen sitt gebyrreglement.
Skjema
Du må nytte skjemaet: Rekvisisjon av oppmålingsforretning og matrikkelføring.
Lovgrunnlag
Ansvarleg for tenesta: Plan, byggesak og miljø