Konsesjon
Dersom ervervet er konsesjonspliktig, må det søkast konsesjon på skjemaet:
Søknad om konsesjon på erverv av fast eigendom mv. - skjema LDIR-359.
Saksbehandlingsgebyr skal vere betalt før søknaden blir behandla.
Konsesjonfridom
Dei aller fleste eigedomsoverdragingar er konsesjonsfrie. Dette inneber at det ikkje er nødvendig å søke om konsesjon når ein ervervar eigedom. Les meir om dette i forskrift om konsesjonsfrihet mv. - FOR-2017-03-17-347 frå 18.04.2017.
Imidlertid krev tinglysingsstyresmakta ved tinglysing av heimelsdokument, for eksempel eit skøyte eller ei heimelserklæring ved arv, skifte og uskifte, i dei fleste tilfelle ei stadfesting frå kommunen på at ervervet er konsesjonsfritt. Dette gjerast ved at kjøpar gir opplysingar i ei eigenerklæring om konsesjonsfridom – skjema LDIR-360.
Kommunen stadfestar eigenerklæringa og registrerer oppgitte opplysingar i matrikkelen, som er det offisielle registeret over fast eigedom. Kvittering sendast avsendar. Dersom avsendar har oppgitt si e-postadresse, blir stadfesting sendt som e-post.
Behandlinga av eigenerklæring er gebyrfri.
Ansvarleg for tenesta: Plan, byggesak og miljø