Dispensasjon

I Lom kommune har alle eigedomar ein gjeldande arealplan. Dette kan vere kommuneplanen sin arealdel eller ein lokal reguleringsplan. Planen viser korleis eigedomen din kan brukast og er juridisk bindande.

Ei dispensasjon inneber eit unntak frå ei gjeldande føresegn i lov, forskrift eller plan. Ein dispensasjon endrar ikkje sjølve planen, men gir eit avgrensa unntak for det konkrete tiltaket du søker om.

Dispensasjon er unntaket

Planane som gjeld i kommunen er vedtekne etter grundig politisk behandling, der både naboar, lag, organisasjonar og offentlege instansar har hatt moglegheit til å kome med innspel. Slike planar skal vere forutsigbare, slik at alle veit kva som gjeld i sitt område.
Difor skal dispensasjon berre givast unntaksvis, og når det er gode grunnar for det.

Kva skal til for å få dispensasjon?

Kommunens moglegheit til å gi dispensasjon er avgrensa av plan- og bygningslova § 19-2. To vilkår må vere oppfylte:

1. Omsyna bak føresegna du søker dispensasjon frå, eller omsyna i lova sitt formål, må ikkje bli vesentleg tilsidesette.
2. Fordelane ved å gi dispensasjon må vere klart større enn ulempene, etter ei samla vurdering.

Det betyr at kommunen må vurdere dei generelle omsyna bak den aktuelle regelen og lova sitt formål. Dersom desse omsyna blir vesentleg tilsidesette, kan det ikkje givast dispensasjon.

Når kommunen gjer si vurdering, er det i hovudsak samfunnsmessige og planfaglege omsyn som skal vegast mot kvarandre. Økonomiske, personlege eller private forhold skal ikkje vere avgjerande.

Døme på omsyn bak reglane

Føresegner om til dømes avstand til nabogrense handlar gjerne om å sikre lys, luft og brannsikkerheit.
Andre reglar kan handle om naturmangfald, jordvern, kulturmiljø eller tryggleik.
I søknaden må du vise at det tiltaket du ønskjer, ikkje set desse omsyna til side – og at det samla sett gir større fordelar enn ulemper.

Slik søker du dispensasjon

Søknaden om dispensasjon skal skrivast som eit vanleg brev, og kan sendast saman med byggesøknaden – eller åleine dersom tiltaket elles er unntatt søknadsplikt.

Søknaden skal innehalde:

• Kven som er tiltakshavar og søkar
• Adresse, gards- og bruksnummer for eigedomen
• Kva tiltaket gjeld, og kva du søker dispensasjon frå
• Kor stort avviket er (om det kan målast)
• Om tiltaket er permanent eller mellombels
• Ei grunngjeving for kvifor du meiner dispensasjon bør givast
• Ei vurdering av fordelar og ulemper slik du ser det
• Kart og teikningar som viser området og tiltaket
• Stadfesting på at naboar er varsla, dersom det er krav om dette

Send søknaden til: