Kort fortalt
- Følg reglane for når og kvar du kan brenne bål.
- I Noreg er det generelt bålforbod frå 15. april til 15. september.
- Du har ikkje lov å brenne søppel nokon stad.
- Alle sankthansbål (av noko storleik) skal meldast inn til brannvesenet.
Her kan du grille når det er bålforbod
Du kan grille så lenge det openbert ikkje er fare for brann, og så lenge du ikkje plagar andre med røyk. Før du fyrer opp grillen bør du sjekke om det finst eigne reglar frå grunneigar eller andre som forvaltar området.
Eksempel på område der grilling kan vere tillate:
- private hagar
- fellesareal i sameige og burettslag
- strandområde som ikkje ligg i nærleiken av skog eller annan vegetasjon
- friluftsområde nær bygningar
Grillar alle kan bruke
På enkelte utfartsområde og turstigar i Lom er det laga faste grillplassar. Desse er opne for alle, men hugs at du sjølv må ta med grillkol/ved – og rydde opp etter deg når du er ferdig.
Eingongsgrill og grilling i naturen
Vi oppmodar til å unngå eingongsgrillar. Dei skaper unødvendig avfall, kan skade underlaget og utgjer ein brannrisiko. Bruk heller faste grillplassar eller ta med ein flyttbar grill som kan setjast på eit brannsikkert underlag.
Dersom du likevel brukar eingongsgrill, må du:
- setje grillen på eit trygt, ikkje-brennbart underlag
- ha god avstand til brennbart materiale
- halde oppsyn med grillen heile tida
- sløkke grillen med rikeleg vatn
- kaste avkjølt grill i eigna avfallsbehaldar (eingongsgrillar kan halde på varme i opptil 24 timar etter bruk)
Primus og kokeapparat
Primus og andre kokeapparat kan brukast når det openbert ikkje er fare for brann. Du har sjølv ansvar for å vurdere om forholda er trygge.
Når det er høg skogbrannfare
I periodar med høg skogbrannfare bør du unngå både grilling og bål i skog og utmark – også på godkjende bålplassar. Sjekk alltid skogbrannindeksen hos Meteorologisk institutt før du skal på tur.
Når kan du brenne bål?
Det generelle bålforbodet gjeld frå 15. april til 15. september. Du kan likevel tenne bål dersom det er heilt opplagt at det ikkje kan føre til brann, til dømes:
- etter lengre periodar med mykje nedbør
- på snødekt mark
- på større område der vegetasjonen ikkje kan brenne
Lokale vedtak frå grunneigar kan likevel forby bål eller grilling på bestemte område, uavhengig av dette unntaket.
Sankthansbål
Skal du tenne sankthansbål/jonsokbål i Lom? Då skal dette meldast inn til brannvesenet.
Gode råd for sankthansbål:
- Sørg for at bålet har god avstand til bygningar, vegetasjon og anna brennbart materiale (minst 100 meter).
- Bygg ikkje bålet for stort – legg heller på meir ved etter kvart.
- Hald barn på trygg avstand, og hugs at naturstoff som bomull og ull er tryggare enn kunststoff.
- Ta omsyn til naboar – røyk kan vere til plage og helseproblem.
- Forlat aldri bålet før det er heilt sløkt.
Brenning av hageavfall
Sjå her for meir informasjon