Før du legg ut på fisketur er det viktig å sjekke kvar det er lov å fiske, og om du treng fiskekort for området. Fiskekort får du kjøpt på Inatur.
I Lom kan du fiske med:
Her kan du fiske i Lom:
Her kan du prøve fiskelykka i meir enn 200 vatn og 300 km elv, med aure som einaste art. Mange vatn ligg høgt, og vert jamleg tilført settefisk. Med fiskekort for Jotunheimen kan du fiske i store delar av området, inkludert Gjende (utanom Gjendeosen), Bessvatnet, Leirvatnet og fleire andre kjende vatn.
Gjennom Fossbergom renn Skim – ei av dei mest populære fiskeelvane i regionen. Her kan du prøve både aure- og harrefiske med stong, oter eller snøre. For innbyggjarar i Lom er det òg mogleg å drive garnfiske. Langs elva er det lagt til rette med stigar, fiskeplassar, grillar og ei eiga fiskekåte, slik at heile familien kan få ei god oppleving.
I statsallmenningane i Lom kan du fiske i over 130 vatn og rundt 130 km elvar. Her finn du alt frå barnevennlege fiskevatn i seterlandskap til dei høgastliggjande aurevatna i landet. Fiske med stong er ope for alle, medan oter- og garnfiske er ope for alle busette i Noreg.
Barn og unge
For barn og unge er fiske ei flott moglegheit til å oppleve naturen på nært hald. Barn under 16 år kan fiske gratis med stong, og ungdom til og med det året dei fyller 20 kan òg fiske gratis – dei må berre løyse eit frikort via Inatur. Hugs å ta med aldersbevis dersom du blir spurt om kontroll.
Det er lov å ta med seg ein fisk over 1 kg per dag fram til 1. mai. Reglane er der for å ta vare på fiskebestandane, så hugs å følgje dei – då blir opplevinga god både for deg og for dei som kjem etter.
Meir informasjon?
For meir informasjon kan du gå til desse sidene:
Lom fjellstyre
Visit Jotunheimen
Inatur.no
Her kan du sjå ein liten informasjonsfilm om fisking i Lom og Jotunheimen: