Gjennom DKS får elevane oppleve alt frå konsertar, teater og film til litteratur, visuell kunst og møte med kulturarven vår. Målet er å gi elevane kunstmøte som både engasjerer, utfordrar og inspirerer.
Samarbeid nasjonalt og lokalt
Den kulturelle skulesekken er eit samarbeid mellom Kultur- og likestillingsdepartementet, Kunnskapsdepartementet, fylkeskommunane og kommunane i landet.
Fylkeskommunen har ansvar for den regionale planlegginga og koordineringa, medan kommunane, som Lom, kan utvikle eigne lokale tiltak og program.
Ordninga har vore ein del av den nasjonale kultursatsinga sidan 2001, og omfattar i dag både grunnskule og vidaregåande opplæring. Det betyr at alle elevar frå 1. trinn til 3. vidaregåande får oppleve profesjonell kunst og kultur gjennom DKS.
DKS og skulen
Den kulturelle skulesekken er ein viktig del av skulen sitt danningsoppdrag, og skal støtte opp under måla i læreplanverket. For å få til eit godt og relevant tilbod er det viktig at skuleleiarar, lærarar, kulturkontaktar og elevar samarbeider.
Gjennom eit breitt og variert program skal DKS bidra til at kunsten og kulturen får ein naturleg plass i skulekvardagen, både som oppleving og som læring.
Organisering
DKS er organisert både på fylkes- og kommunenivå. Det nasjonale ansvaret ligg hos Kulturtanken – Den kulturelle skulesekken Noreg, som har som mål at både elevar og skule tilsette skal kjenne eigarskap til ordninga.
I Lom kommune er det to nøkkelfunksjonar i arbeidet med DKS:
- Kulturkontakt på kvar skule
- Kommunekontakt
Meir informasjon
Alt om Den kulturelle skulesekken – både nasjonalt, regionalt og lokalt – finn du på denkulturelleskolesekken.no
Her kan skulane finne oversikt over produksjonar, verkstader, turnear og annan praktisk informasjon. Det er viktig at skulane held informasjonen sin oppdatert i portalen, med riktige kontaktpersonar og tal på elevar og klassar.
Ansvarleg for tenesta: Oppvekst